Lagoa Ira-Lalaro (hanaran Iralalaru, ou Surubec) mak lagoa ida ne’ebe nia bee midar lokaliza iha Mehara, Postu Administrativu Tutuala, Munisipiu Lautém, Timor-Leste. Lago ida ne’e mak bo’ot liu iha Timor Leste, no mos illa Timor tomak. Lagoa ne’e mak parte husi area manu fuik importante sira nebe iha foho Paitchau. Área ida ne’e, ho mota Irasiquero nebe iha basia karst (polje) nebe luan. Lago aida ne’e mos nia luan ±10-55 km2 (3,9-21,2 sq.mi).

Ira lalaro ne’e situa iha illha Timor nia rohan, no faz parte husi Parke Nasional Nino Konis Santana (±680 km2/260 mil2), ne’ebe governo Timor Leste estabelese iha fulan agosto tinan 2007). Lagoa ne’e situa iha basia ida ne’ebe bareira ho foho Paitchau, iha laletek Lospalos nian.

Lagoa Ira-Lalaro hanesan lagoa ida ne’ebe bo’ot liu iha Timor Leste. Localiza iha Suco Mehara, Posto Administrativu Tutuala, Municipio Lautém. Lagoa nee nia paisazem nebe furak iha biodiversidade flora no fauna. Lagoa Ira-Lalaro fo benefisiu ne’ebe boot ba komunidade nebe hela besik iha area lagoa maka ikan Nila nebe mak produs husi lagoa ne’e bele fo mos rendimentu adisional no mos fontes nutrisaun ba komunidade. Iha tempu bai-loron komunidade Lospalos passa tempu fim de semana ho familia iha lagoa ne’e ba piknik. Maibe kuidadu-an tamba lafaek barak mak iha lagoa ne’e nia laran.

© 2020 Autoridade Municipiu Lautem