Rai Ketan Jaco hanesan Sitiu Turistiku Natureza nebe pretense iha Aldeia Pitileti Suku Tutuala Postu Administrativu Tutuala. Distansia husi tasi Ibun Valu-Sere ba too fatin sitiu turistiku Rai Ketan Jaco ho Bero 5 minutus.
Tuir historia, tempu uluk rai ketan ne’e tutan malu ho rai boot temur aktual Timor Leste, maibe lafaek mak halai korta no kotu haketak-an husi rai boot dadaun ne’e, tamba uluk rai ne’e sei mamar, depois de kotu Be-ala sira fo naran ka bolu Totina (kotu) dadaun ita bolu rai ketan Jaco, alende ida ne’e rai ketan ne’e mos iha balada fuik sira hanesan Rusa Fuik, Fahi fuik, Manu-fuik, Meda, Laku, Samea, Samodok, Niki no seluk-seluk tan. Rai ketan Jaco sai hanesan fatin atrasaun ba vizitor sira hodi bele ba vizita tamba ho nia tasi ibun nebe mos no furak.
