Sua.Excia Administrador Munisípiu Lautém, Sr. Domingos Sávio, preside Icar Bandeira Nasionál, Repúblika Demokrátika de Timor-Leste (RDTL), ba semana da uluk fulan Setembru tinan 2023, ne’ebé responsabilidade husi Servisu Munisipal Edukasaun no Servisu Munisipal SEFOPE  iha resintu Administrasaun Munisípiu Lautém.

Diskursu husi Administrador Munisípiu Lautém,  husu kargu Xefia sira fó atensaun no kontrola  funsionáriu públiku sira tenki halo servisu didi’ak, responsabilidade no disiplina iha oras servisu nian, tambá tinan ida nee ita sei hasoru tan Eleisaun Autoridade Komunitáriu sira no husu funsionáriu sira fahe informasaun no fó korajen nafátin ba ita nia komuindade sira nafatin kontribui paz no estabilidade nune’e bele fo susesu ba eleisaun Suku nian.

Administrador Munisipiu Lautem, apela ba populasaun sira hotu ita nia nasaun RDTL autoriza ba sidadaun Timoroan ne’ebé iha vontade atu kandidatu an tantu Feto no Mane bele kandidata an hodi kontribui ba dezenvolvimentu munisipiu nian tuir ita nia moto katak “Hamutuk Lautém Forsa no Forsa Hamutuk Lautém Bele”, needuni dezenvolvimentu iha Munisípiu atu lao presiza Lautém oan hamutuk, tambá tinan oin mai tan ita seí hasoru implementa desentralizasaun Governativa Administrativa.