𝐓𝐮𝐭𝐮𝐚𝐥𝐚, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟗 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, hamutuk ho Arkivu Muzeu Rezisténsia Timorense, Institutu Públiku (AMRT, I.P) ho ekipa akompaña ho Diretor Nasionál Ajensia Dezenvolvimentu Nasionál, Institutu Públiku (ADN, I.P) ho ekipa vizita fatin historiku Abrigu OI, hodi observa situasaun fatin historiku OI nian, atu bele foti levantamentu dadus ba iha prosesu konkursu nian, hodi nune’e bele hala’o implementa konstrusaun iha tinan ida ne’e.

Prezidente Autoridade Munisipál lori Povu Munisípiu Lautém nia naran, agradese ba Nonu Governu Konstituisionál ne’ebé lidera husi Komandante Em Xefe das Falintil atuál Primeiro Ministro (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, ne’ebé liu husi AMRT, I.P hamutuk ho ADN, iha inisiativa bele tau importánsia ba fatin historiku rezisténsia sira, liuliu ba fatin sira ne’ebé uluk Komandante Em Xefe das Falintil atuál Primeiro Ministro (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, hala’o nia atividade iha fatin ida ne’e, ba ita-nia jornada rezisténsia nian.

Iha fatin ne’ebé hanesan, Diretor Ezekutivu Arkivu Muzeu Rezisténsia Timorense, Institutu Públiku, (AMRT. I.P), 𝐒𝐫. 𝐉𝐨𝐫𝐠𝐞 𝐀𝐥𝐯𝐞𝐬 “𝐖𝐞 𝐌𝐨𝐫𝐢𝐬” hatutan, AMRT, I.P, hamutuk ho ADN fó prioridade ba fatin históriku OI, tanba tuir informasaun ne’ebé iha husi Komandante Em Xefe das Falintil atuál Primeiro Ministro (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, katak fatin OI nu’udar fatin Universidade ida iha ne’ebé historiku tebes ba Timor-Leste no fatin ida ne’e mós ita hahú filafali funu no Guerrilla depois baze de Apoiu rahun.

𝙍𝙚𝙢𝙖𝙩𝙖

𝙈é𝙙𝙞𝙖 𝘼𝙈-𝙇𝙖𝙪𝙩é𝙢