Içar Bandeira Nasionál RDTL iha Resintu Administrasaun Autoridade Munisipiu Lautém

Lospalos, Segunda-feira, 6 Janeiru 2025

Sua. Eselénsia Prezidente Autoridade Munisipál Lautém, Sr. Mélio de Jesus, S.H, sai inspetór ba Serimónia Içar Bandeira Nasionál ba semana dahuluk inísiu fulan Janeiru 2025, iha ne’ebé husu funsionáriu sira iha Administrasaun Autoridade Munisipál Lautém, mantein servisu hamutuk ho ekipa atu bele atendimentu ba públiku ho di’ak, hodi serví Povu iha Munisípiu Lautém, hodi aselera prosesu dezenvolvimentu iha Munisípiu Lautém atu nune’e bele atinji ninia objetivu. Serimónia Içar Bandeira Nasional ne’e responsavel husi Administrasaun Autoridade Munisipál Lautém, ne’ebé hala’o iha resintu Administrasaun Autoridade Munisipál Lautém.

Nia esplika, komitmentu Nonu Governu Konstituisionál nian nebe iha tuir intervensaun no diskursu husi Primeiru Ministru (PM-RDTL) Kay Rala Xanana Gusmão, kona-ba debate Orsamentu Jeral Estadu, Diskusaun Panorama Orsamentu no Komisaun Revizaun Orsamentu nian katak tinan 2025 nu’udar tinan ba dezenvolvimentu.

Tanba ida ne’e infroma ba funsionariu sira hotu katak Munisípiu Lautém sei hetan vizitasaun husi Primeiru Ministru (PM-RDTL) Kay Rala Xanana Gusmão, inklui Munisípiu sira seluk iha territóriu timor laran tomak, maski seidauk hatene vizita uluk husi Munisípiu ne’ebé, maibé iha oportunidade ida ne’e informa ba funsionáriu sira hotu presiza hala’o preparasaun antes vizita husi Sua Ex.cia Primeiru Ministru (PM-RDTL) Kay Rala Xanana Gusmão, mai iha Munisípiu Lautém.

Média AM-Lautém