𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟕 𝐦𝐚𝐫𝐬𝐮 𝟐𝟎𝟐𝟓

Ministériu Administrasaun Estatal (MAE) liu husi Diresaun Jeral Simplifikasaun no Modernizasaun Administrasaun no Diresaun Jeral Desentralizaun no Governu Lokál, hala’o aprezentasaun no konfirmasaun ba dadus Portal Munisipál nian ba Diretor/a Servisu Munisipál, Diretor/a Servisu Delegasaun Teritorial no Administrador Postu Administrativu sira, enkontru ne’e hala’o iha Salaun Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Administrasaun no Finansas, Sr. Francisco dos Santos, hateten, Diresaun Jerál Simplifikasaun no Modernizasaun Administrativa no Diresaun Jeral Desenralizaun no Governu Lokal, mai iha Administrasaun Autoridade Munisipál Lautém hodi hala’o aprezentasaun dadus no konfirmasaun dadus ba Portal Munisipál Lautém nian. tanba dadus sira husi tempu ba tempu iha mudansa.

Sekretáriu ne’e esplika, esforsu sira ne’e hotu husi Diretor Servisu Munisipál Xefe Departamentu no Administrador Postu sira maka bele halo servisu ne’ebé di’ak ita bele alkansa servisu di’ak iha nivel nasionál.

Reprezentante ne’e subliña, atividade ida ne’e atu atualiza, ba parte ida husi komitmentu Governu liu husi Ministeriu Administrasaun Estatal liga ho dijitalizasaun portal no Balkaun Úniku, maibé ohin ita fokus ba Atualizasaun dadus Portal Munisipál nian.

Enkuantu, partisipa atividade aprezentasaun no konfirmasaun dadus Portal Munisipál ne’e, Diretor /a Servisu Munisipál, Xefe Departamentu no Adminsitrador Postu Administrativu inklui IT iha kada Postu sira.

Remata

Média PAM-Lautém