𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟏𝟎 𝐀𝐛𝐫𝐢𝐥 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hamutuk ho funsionáriu sira iha kada Servisu Munisipál ne’ebé tutela iha Administrasaun Autoridade Munisipál Lautém no Servisu Delegasaun Territoriál sira, hahú Koilleta tan Batar kuaze 1.7 Hektar, iha Administrasaun Autoridade Munisipál Lautém.

Atividade Demo Plot Agrikultura Integradu ne’e inisiativa husi Prezidente Autoridade Munisipál Lautém, iha ne’ebé orienta Diresaun Servisu Munisipál Agrikultura Munisípiu Lautém, organiza funsionáriu estensionista sira hodi hala’o Demo Plot ida ne’e ho produtu oin-oin, hanesan Kolam Ikan, Haki’ak Mareko, Hortikultura Kuda Fore Tali, Pateka no Ai Manas.

Iha intervista, 𝐒𝐮𝐚.𝐄𝐬𝐞𝐥é𝐧𝐬𝐢𝐚 Prezidente Autoridade Munisipál Lautém, 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, hala’o Koilleta no Silu Batar hamutuk 1.7 Hektar ne’ebé iha resintu Administrasaun Autoridade Munisipál Lautém, ne’ebé hahú husi Diresaun Servisu Munisipál sira no Diresaun Delegasaun Territoriál sira.

Nia dehan, Demo Plot Agrikultura Integradu, hafoin Koilleta iha mós Kolam Ikan, Haki’ak Mareko no Hortikultura Kuda Fore Tali, Pateka no Ai Manas.

Enkuantu reseita ne’ebé Autoridade Munisipál Lautém liu husi Diresaun Servisu Munisipál Agrikultura hetan husi Demo Plot Agrikultura Integradu, maibé reseita provizória husi Fore Tali kuaze $.800, Ikan kuaze $.100 resin no Mareko fa’an nia tolun mak kuaze $.80.

Entretantu relatóriu ne’ebé tékniku Agrikultura iha Demo Plot Batar ida ne’e, Pemecar ekor iha Munisípiu Lautém, tanba Agrikultura sira ne’ebé halo toos kuda Batar kada Hektare ne’e kuaze 2,5 Toneladas, maibé Demo Plot ida ne’e hetan 5 Toneladas, maski foin hahú iha Munisípiu Lautém ninia produsaun Batar atinji liu Agrikultura sira halo iha kada sensus ne’ebé Servisu Munisipál halo Agrikultura sira iha toos.

Espera hafoin Koilleta Batar ida ne’e, Autoridade Munisipál Lautém kontinua nafatin kuda Fore Mungu, tanba ita-nia espetativa ladún barak maibé bele fornese ba iha Merenda Eskolár ba kada Eskola iha Munisípiu Lautém. Tanba ida ne’e, hahú husi funsionáriu kazuais to’o Funsionáriu Permanente ne’ebé koopera tebes ba servisu hodi realiza Demo Plot ida ne’e, sai nu’udar pilotu ida hodi hatudu ezemplu di’ak ida ba Agrikultura sira iha Munisípiu Lautém, nune’e bele halo tuir.

Lider másimu iha Munisípiu Lautém salienta, daudaun ne’e iha Postu Administrativu Tutuala mós hala’o ona kuaze hektar 1 ne’ebé komesa fila ona ho Demo Plot hanesan ne’e.

Tanba ida ne’e Prezidente Autoridade Munisipál Lautém orienta ona Diresaun Servisu Munisipál Agrikultura Munisípiu Lautém liu husi Xefe Departamentu Pecuária, kuandu Mareko ne’e lout ona, nia oan sira bele distribui ba Postu Administrativu 6 ne’ebé halo Demo Plot iha kada Postu sira.  Batar sira ne’ebé Koilleta ona ne’e entrega tomak ba Diresaun Agrikultura, oinsá bele fa’an mós iha Merkadu nune’e mós bele rai hanesan Fini ida hodi bele kuda fali iha tinan oin.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)