𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟔 𝐀𝐛𝐫𝐢𝐥 𝟐𝟎𝟐𝟓

Sua Eselensia Prezidente Interinu Autoridade Munisipál Lautém, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨s, hateten, realizasaun enkontru ida ne’e atu forma Komisaun Organizadora nune’e halo preparasaun neebe diak hodi koresponde ba loron nasionais sira nebe Munisipiu sei realiza iha tinan 2025. Reuniaun nee realiza iha Salaun Autoridade Munisipiu Lautem.

Presidente interinu salienta katak  komisaun organizadora nebe estabelese ona seksaun sira iha tinan kotuk nafatin, halo mudansa deit ba kolokasaun kada diresaun sira nunee hotu-hotu bele intende ba kada atividade sira neebe iha. Kada seksaun nebe fahe ona kompostu hosi Sekretariu Munisipiu, Presidente CMCLNL, PNTL Munisipiu Lautem, Diretor/a Servisu Munisipál no Delegasaun Teritorial sira, Jerente Telekomunikasaun sira, atu nune’e ida-idak bele asumi knaar ho responsabilidade ba atividade sira nebe sei hala’o iha tinan 2025.

Loron nasionais ba tinan 2025 nian nafatin responsavel másimu hosi Prezidente Autoridade Munisipál Lautém, Komandante Polísia Nasionál Timor-Leste (PNTL) Munisípiu Lautém, Prezidente CMCLN Munisípiu Lautém. Prezidente Komisaun Organizadora ba tinan 2025, Sekretáriu Munisipál Administrasaun no Finansas, Vise Prezidente Komisaun Organizadora mak Sekretáriu Munisipál Asuntu Sosial no Organizasaun Komunitaria.

Presidente interinu, eselensia sekretariu Munisipiu asuntu finansas,  informa ba membu komisaun organizadora atu kada seksaun ida-idak  prepara ida-idak nian planu asaun ba atividade sira loron nasionais hanesan loron 20 de Maiu tinan ida ne’e, submeter ba Presidente Autoridade Munisipiu nunee hetan aprovasaun nunee parte finansas prepara nia orsamentu ba kada planu atividade.

Aleinde ne’e mós iha tinan ida ne’e iha eventu importante ida mak tinan 50 ba loron Proklamasaun Indepedensia no eventu loron nasionais sira seluk. Nune’e Autoridade Munisipiu Munisipiu sei prepara Sub-Komisaun ida ba prienxe Feira Nasionál nian, tanba ida ne’e husu kada diresaun Servisu Munisipál no Delegasaun Territorial, Ajensia Autonomu sira ne’ebé prienxe ona iha Portal Munisipál, bele akumula dadus sira hodi entrega ba IT, nune’e loke no fó sai iha tempu Feira Nasionál ne’ebé sei hahú iha loron 15 to’o 20 de Maiu 2025.

Husi rezultadu reuniaun Forma Komisaun Organizadora ba Loron Nasionais 2025, membru komisaun deside ona seksaun sira hamutuk mak  hanesan “ Seksaun sekretariadu, Tezoreiru, Protokolu, Serimonia, Liturjia, Feira, Corpo no Coro Içar da Bandeira, Divertimentu, Kompetisaun, Lojistika no Ekipamentu, Primeiru Sokoru, Dokumentasaun, Dekorasaun , Konsumu,  Mobilizasaun Masa no Seguransa.”

Iha reuniaun nee hetan partisipasaun maximu husi Sekretáriu Munisipais, Prezidente Konsellu Munisipál Kombatente Libertasaun Nasionál Munisípiu Lautém Organizasaun Komunitária, no Segundu Komandante PNTL Munisípiu Lautém hahú realiza enkontru ho Diretor Servisu Munisipál, Delegasaun Teritorial, Jerente Banku no Jerente Telekomunikasaun.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)