𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏𝟒 𝐀𝐛𝐫𝐢𝐥 𝟐𝟎𝟐𝟓

Estudante Universidade da Paz (UNPAZ), hamutuk na’in 183 husi Fakuldade hamutuk 6 hanesan Fakuldade Ekonómia, Diretu, Siensia Sosiais no Umanitaria, Saude Públika Siensia Médikas, Enjenária no Teknolójia Agrikola, hodi hala’o Atividade Prátika Aprendisajen Kampu (PAK), durante fulan tolu hahú iha fulan Abril to’o fulan Jullu 2025, iha Postu, Suku no Aldeia, aprezentasaun ne’e hala’o iha Salaun Autoridade Munisipál Lautém.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém interinu, Sr. Francisco dos Santos, hateten, estudu ida ne’e sei iha klaran tun ba iha terenu filafali mai hodi konfirma dadus sira ne’ebé durante ne’e hetan iha terenu, tanba imi ba direta Postu rasik, Suku no Aldeia ne’ebé reprezenta Universidade hodi hala’o atividade.

Bainhira iha terenu foti dadus, labele konsumu dadus no informasaun politiza, tanba dadus sira ne’ebé hetan, tenke ajusta ho estudante sira ne’ebé uluk, ne’ebé mai fali iha Autoridade Munisípiu hodi aprezenta kada departamentu nia dadus ne’ebé durante ne’e hetan iha terenu, atu nune’e bainhira lori ba hodi hala’o iha ámbitu estudu hodi publika públiku labele konsumu ho dadus loos.

Tanba ida ne’e, Prezidente Autoridade interinu, agradese ba estudante husi Universidade da Paz (UNPAZ) mai hala’o atividade Prátika Aprendisajen Kampu (PAK), iha Munisípiu Lautém, durante fulan tolu nia laran, karik hasoru difikuldade ruma bele hato’o diretamente ba Administrador Postu, Xefe Suku, Xefe Aldeia no Komandante Eskuadra PNTL iha Postu sira inklui Komunidade sira bele hato’o hodi buka nia solusaun ba difikuldade ne’ebé enfrenta.

Remata

(Média PAM-Lautém)