𝐋𝐮𝐫𝐨, 𝐓𝐞𝐫𝐬𝐚-𝐟𝐞𝐢𝐫𝐚, 𝟖 𝐀𝐛𝐫𝐢𝐥 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚,, Prezidente Autoridade Munisipál Lautém, 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, partisipa serimónia atividade fahe ekipamentu han tratór ba Grupu Agrikultura sira hodi fasilita Grupu Agrikultura sira, nune’e bele hasa’e produtividade agrikultura ho produsaun Hare atu nune’e bele garantia hodi sustenta Ai Han Lokál ba iha komunidade sira iha Postu Administrativu Luro Munisípiu Lautém liuliu.

Ekipamentu sira ne’e hetan apoiu husi Banko Mundial hodi kontinua apoia ba programa Ministériu Agrikultura Pescas Pekuaria no Floresta (MAPPF/SAPIP hodi fasilita Grupu Agrikultura sira nune’e bele hasa’e produsaun no produtividade Hare, mákina sira ne’ebé Grupu Agrikutura sira hetan maka hanesan, mákina Kuda Hare hamutuk 8, Hand Tratór hamutuk 4 no Mákina Integradu Kua Hare, no Hare kain sai kompos 4 no trai viveirus 4700 buah, grupu hamutuk 4 mak simu ekipamentu sira ne’e hanesan Grupu Moris Ki’ak, Grupu Hari’i Futuru, Grupu Nur no Grupu Nautetu.

Iha intervista, Sua.Eselénsia Prezidente Autoridade Munisipál Lautém, 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, lori Povu Munisípiu Lautém nia naran agradese ba Nonu Governu Konstituisionál liu husi Ministériu Agrikultura Pescas Pekuaria no Floresta ne’ebé servisu hamutuk ho Banku Mundiál no SAPIP, ne’ebé apoiu Grupu Agrikultura sira iha Munisípiu Lautém liuliu iha Postu Administrativu Luro, hanesan Koa Hare no Kuda Hare nian.

Nia esplika, apoiu sira ne’e hanesan pasu ida ne’ebé importante tebes ba Grupu Agrikultura sira iha Munisípiu Lautém liuliu iha Postu Administrativu Luro, oinsá Grupu Agrikultura sira atu hasa’e produsaun Hare iha Munisípiu Lautém liuliu Postu Administrativu Luro, tanba ita-nia espetativa hakarak fornese ba iha Merkadu maibé sei iha prosesu nia laran, maibé produsaun ne’ebé iha ona hodi bele sustenta Ai Han Lokál ba iha komunidade sira iha Munisípiu Lautém liuliu Postu Administrativu Luro.

Tuir dadus ne’ebé iha, Prezidente Autoridade Munisipál Lautém salienta, Postu Administrativu Luro hamutuk 748, 25 Hektare, produsaun Hare hetan 2978, 30 Toneladas ho produtividade 3,51 hektar, maibé agora tinan 2025 área kurtivu hamutuk 333, 62 Hektare ne’ebé totál produsaun 1.172, 71 Toneladas por Hektare ne’ebé totál produtividade 3, 51 Toneladas por Hektare.

Tanba ida ne’e, Prezidente Autoridade Munisipál Lautém husu Grupu Agrikultura sira ne’ebé hetan ekipamentu modernu sira, presiza kuidadu ba Makina sira ne’ebé Grupu Agrikultura sira hetan ona, utiliza didi’ak atu nune’e durasaun ho mákina bele dura ho tempu naruk, hodi nune’e bele hasa’e produtividade Hare iha Postu Administrativu Luro Munisípiu Lautém.

Nune’e mós Prezidente Autoridade Munisipál Lautém kontinua husu nafatin apoiu ba Governu liu husi Ministériu Agrikultura Pescas Pekuaria no Floresta, tau Orsamentu mós moru protesaun mota boot ne’ebé prejudika natar sira ne’ebé iha, tanba iha tempu udan mota sempre lori lori rai-henek mai taka natar sira hodi Agrikultura sira laiha vontade atu hala’o natar.

Iha fatin ne’ebé hanesan, Vise-Primeiro Ministro, Ministru Koordenador Asuntu Sosiais no Ministru Dezenvolvimentu Rural no Habitasaun, 𝐒𝐫. 𝐌𝐚𝐫𝐢𝐚𝐧𝐨 “𝐀𝐬𝐬𝐚𝐧𝐚𝐦𝐢” 𝐒𝐚𝐛𝐢𝐧𝐨, hatutan, Grupu Agrikultura sira tenke servisu hamutuk, tanba Grupu balun ne’ebé hetan ona ekipamentu no Trator, tanba ekipamentu sira ne’e sei mai tan.

Assanami salienta, importante mak imi tenke servisu hamutuk buka dalan di’ak, hodi fó apoiu ba Prezidente Autoridade Munisipál Lautém, apoiu servisu laran no fuan, tanba ida ne’e, Vise-Primeiro Ministro husu Grupu Agrikultura sira buka natar ne’ebé sei abandona hela, apoiu malu atu loke fali natar hodi kuda Hare.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢