𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟗 𝐀𝐛𝐫𝐢𝐥 𝟐𝟎𝟐𝟓

Ministériu Finansas, liu husi Diresaun Jerál Formasaun Kapasitasaun Jestaun Finanseiru Públika, hala’o dizeminasaun no partilla kona-ba Lei Kódigu Aprovizionamentu no Kontratu Públiku ba Diretor Servisu Munisipál, Diretor Delegasaun Teritoriál no Emprezáriu sira, nune’e bele intende didi’ak no iha koñesimentu kona-ba Kódigu Aprovizionamentu nian, atu nune’e bainhira implementasaun obra relasiona ho finanseiru públiku bele komprende ona lala’ok aprovizionamentu nian, dizeminasaun ne’e abertura husi 𝐒𝐮𝐚.𝐄𝐬𝐞𝐥é𝐧𝐬𝐢𝐚 , Prezidente Autoridade Munisipál Lautém, ne’ebé hala’o iha Salaun Administrasaun Munisipál Lautém.

Iha intervensaun, 𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, agradese ba ekipa tomak husi Ministériu Finansas nian ne’ebé lidera husi Diretor Jerál, hodi hala’o dizeminasaun kona-ba Kódigu Aprovizionamentu no Kontratu Públiku, ne’ebé sei partisipa másimu husi Diretor Servisu Munisipál, Delegasaun Territoriál no Setor Privadu sira, ba Dizeminasaun ida ne’e, nune’e bele iha informasaun no koñesimentu kona-ba Kódigu Aprovizionamentu nian, atu nune’e bainhira ba iha Implementasaun iha obra relasiona ho finanseiru públiku nian, bele komprende ona lala’ok aprovizionamentu nian.

anba ida ne’e sujere ba Diretór Servisu Munisipál sira no Delegasaun Territoriál sira ne’ebé hala’o knaar iha Munisípiu Lautém, inklui Setor Privadu sira no Parseiru Dezenvolvimentu UNDP bele aproveita oportunidade ida ne’e ho di’ak, tanba sistema aprovizionamentu la’os de’it hala’o iha Administrasaun Autoridade Munisipál Lautém.

Prezidente Autoridade Munisipál Lautém esplika, difikuldade ne’ebé durante ne’e enfrenta mak iha prosesu aprovizionamentu ne’ebé diferente entre Lei espesiál no Lei Jeneralidade nian, tanba iha nasionál utiliza sistema aprovizionamentu bazeia ba dekretu Lei no. 2022, tanba ne’e implementa rejime espesiál iha ámbitu Planu Dezenvolvimentu Integradu Munisipál (PDIM).

Lider másimu iha Munisípiu Lautém fiar dizeminasaun ida ne’e ba Kódigu foun aprovizionamentu no kontratu públiku bele responde ona sistema aprovizionamentu, tanba ida ne’e dizeminasaun ida ne’e importante tebes, durante iha dizeminasaun mak ladún intende didi’ak bele husu ekipa sira husi Ministériu Finansas, atu nune’e ekipa sira bele esplika kle’an kona-ba relasaun sistema aprovizionamentu, tanba kontratasaun públiku ne’ebé husi Orsamentu Finanseiru públiku nian.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢