𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟐𝟐 𝐀𝐛𝐫𝐢𝐥 𝟐𝟎𝟐𝟓

Ministériu Komérsiu Indústria (MKI), hala’o enkontru ho emprezáriu lokál sira iha Munisípiu Lautém kona-ba Business Gathering nian, ne’ebé ho tema “Hametin Setor Privadu Hodi Dinamiza Ekonómia Ne’ebé Sustentavel Seguru no Rezilente” objetivu halibur Emprezáriu sira ne’e, atu fahe hanoin no bele hamosu krítiku sira husi emprezáriu lokál sira, oinsá atu dezenvolve ekonomia liu husi kontribuisaun reál hodi define filafali papél setór privadu sira, tanba Setor Privadu mak nu’udar mákina ba dezenvolvimentu ekonomia iha Timor-Leste, espesiál iha Munisípiu Lautém, enkontru ne’e organiza husi husi Ministériu Komérsiu no Indústria, ne’ebé hala’o iha Salaun Parókia Lospalos.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Interinu Autoridade Munisipál Lautém, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, agradese ba Ministru Komérsiu no Indústria (MKI) ho ekipa mai iha Munisípiu Lautém hodi halibur emprezáriu sira, atu fahe hanoin ba emprezáriu Gathering no emprezáriu konstrusaun sira.

Prezidente Interinu Autoridade Munisipál Lautém ne’e subliña, Ministru Komérsiu Indústria (MKI) ho nia ekipa hala’o sorumutu enkontru hodi ko’alia kona-ba Gathering, ne’ebé sei esplika kle’an husi Ministru Komérsiu no Industria, atu nune’e bele intende ho didi’ak, nune’e bele suporta Governu no Autoridade Munisipál iha parte Dezenvolvimentu nian.

Tanba ne’e, ita hotu tenke konsisten ho regra sira ne’ebé prega ona ba emprezáriu konstrusaun no emprezáriu loja no emprezáriu Gathering nian, tanba ida ne’e Ministériu Komérsiu no Indústria bele hala’o atividade ida ne’e ho emprezáriu no halibur Emprezariu no Business Gathering, ne’e ho intensaun hodi koloka nafatin papél importante husi setór privadu sai nu’udar mákina ba dezenvolvimentu ekonómiku iha Timor-Leste.

Iha sorin seluk, 𝐒𝐮𝐚.𝐄𝐬𝐞𝐥é𝐧𝐬𝐢𝐚, Ministru Komérsiu no Indústria (MKI), 𝐒𝐫. 𝐍𝐢𝐧𝐨 𝐏𝐞𝐫𝐞𝐢𝐫𝐚 hateten, objetivu prinsipál ba enkontru kona-ba Business Gathering hodi halibur Emprezariu sira atu fahe hanoin liu husi enkontru emprezáriu sira, nune’e bele hamosu hanoin ne’ebé krítiku oinsá ita bele dezenvolve ita-nia ekonomia.

Governante ne’e esplika, diversifikasaun ekonomia, ita bele diversifika mós ita-nia negósiu, tanba ita tenke rekoñese katak, iha área potensialidade lubuk ida maka kada Munisípiu iha, nune’e bele tau atensaun husi setór privadu sira hodi bele haree.

Iha oportunidade ida ne’e mós importante tebes, ba atividade ne’ebé organiza husi Ministériu Komérsiu no Indústria hamutuk ho parseiru sira seluk ne’ebé fokus ba iha dezenvolvimentu ekonómiku, tanba tuir dadus ne’ebé fó sai husi Banku Central Timor-Leste (BCTL) hatudu rezultadu ne’ebé pozitivu, maski dinamiza ba atividade ekonómiku ida ne’e sei mai husi Setor públiku.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)