𝐃í𝐥𝐢, 𝐊𝐢𝐧𝐭𝐚-𝐟𝐞𝐢𝐫𝐚, 𝟏𝟓 𝐌𝐚𝐢𝐨 𝟐𝟎𝟐𝟓

Autoridade Munisipál Lautém, partisipa Feira Nasionál kona-ba Expozisaun Dezenvolvimentu Governasaun Lokal nian, hodi selebra aniversáriu 20 de Maio ba dala-23 Restaurasaun Independénsia Repúblika Demokrátika Timor-Leste ne’ebé ho tema jerál “𝗛𝗮𝗺𝗲𝘁𝗶𝗻 𝗣𝗮𝘇 𝗻𝗼 𝗗𝗲𝘇𝗲𝗻𝘃𝗼𝗹𝘃𝗶𝗺𝗲𝗻𝘁𝘂” Espozisaun Dezenvolvimentu Governasaun Lokál” hala’o iha Portu Díli.

Durante iha ámbitu partisipasaun Feira Nasionál Expozisaun Dezenvolvimentu Governasaun Lokál, Autoridade Munisipál Lautém aprezenta atividade sira ne’ebé hala’o iha área oioin hanesan Dezenvovlimentu infraestrutura kona-ba projetu Planu Integradu Munisipál (PIM) 2024, programa husi PNDS nian, nune’e mós iha área Agrikultura, Turismu, Saúde, Edukasaun no área sira seluk.

Kalan primeiru abertura Feira, Autoridade Munisipál Lautém, liu husi Diresaun Servisu Munisipál Agrikultura Munisípiu Lautém, aprezenta hahán produtu lokál no Gastronomia Munisípiu Lautém nian, ne’ebé atraitvu tebes ba vizitante sira husi nasionál no Internasionál sira antuziasmu hodi koko hahán produtu lokál sira mak hanesan, “Nutritivu Proteina” Nan Karau, Ikan Nila, Boek, Susu Ben Karau Timur, Man tolun Timor, Manu Lokál, Koto Mean, Koto Moruk, Fore Rai no Meci, “Nutritivu Karbohidratu” Batar, Fos Rai, Talas, Batar Kay Rala (Sorgum), Fehuk, Ai Farina, Hudi Fatuk, Aidila Fuan, Aidila Tahan, Aidila Funan, Marungi, Lakero, “Nutriente” Husi Tasak, Sabraga, Aidila Tasak, Sirsak, Pateca, Jamboa, Pipino, Derok no Tomate.

Aleinde ne’e mós STAN no Feira fatin husi Autoridade Munisipál Lautém nian, atraitivu tebes husi membru Governu sira, vizitante sira v nasionál no Internasionál sira, tanba iha STAN no Feira fatin ne’e ekipa sira prepara MAPA Timor-Leste, no Uma Adat Lê Jiaval hanesan símbolu Kultura ba Timor-Leste nian, nune’e mós hakarak tebes hodi hasai fotografia nune’e mós tama ba laran hodi hare fotografia no Video sira ne’ebé ekipa sira prepara. Iha okaziaun iha loron 15 to’o 20 fulan Maiu, sei hala’o “Espozisaun Dezenvolvimentu Governasaun Lokál” iha Portu Dili, no sei ensera iha loron 20 de Maio, tuku 6 lokraik depois arear Bandeira nasionál.

Sua Exelénsia, Prezidente Repúblika, 𝐉𝐨𝐬𝐞́ 𝐑𝐚𝐦𝐨𝐬-𝐇𝐨𝐫𝐭𝐚, akompaña hosi governante Sua Exelénsia Primeiru-Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨,, Sua Exelénsia Prezidente Tribunal Rekursu, Dr. 𝐀𝐟𝐨𝐧𝐬𝐨 𝐂𝐚𝐫𝐦𝐨𝐧𝐚 ho Sua Exelénsia Prezidente Komisaun Organizadora ba Komemorasaun Aniversáriu Restaurasaun Independénsia no atuál Ministru Administrasaun Estatál, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, halo ona abertura ba “Espozisaun Dezenvolvimentu Governasaun Lokál” iha Portu Dili, hodi komemora Aniversáriu Restaurasaun Independénsia Repúblika Demokrátika Timor-Leste ba dala 23 ho tema“Hametin Paz no Dezenvolvimentu”.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢