𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟖 𝐌𝐚𝐢𝐨 𝟐𝟎𝟐𝟓

𝐒𝐮𝐚 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hamutuk ho 𝐒𝐮𝐚 𝐄𝐬𝐞𝐥é𝐧𝐬𝐢𝐚, Sekretáriu Estadu ba Formasaun Profisionál no Empregu (SEFOPE), 𝐒𝐫. 𝐑𝐨𝐠é𝐫𝐢𝐨 𝐀𝐫𝐚ú𝐣𝐨 𝐌𝐞𝐧𝐝𝐨𝐧ç𝐚, akompañia ho Segundu Komandante PNTL Munisípiu Lautém, halao lansamentu ba fatuk dahuluk ba konstrusaun edifísiu foun SEFOPE Munisípiu Lautém, atu nune’e bele halo atendimentu besik liu ba komunidade sira, lansamentu ne’e fatuk dahuluk ne’e hala’o iha RSS Lospalos.

Harii Edifísiu foun SEFOPE ne’e ho objetivu halo atendimentu besik liu ba iha komunidade sira, atu nune’e programa ne’ebé foin sa’e sira no komunidade sira iha interese atu tuir la presiza ba iha nasionál, tanba Komunidade sira liuliu ba foin sa’e sira ne’ebé laiha kapasidade no kbiit atu ba nasional tuir formasaun, tanba presiza osan ho ida ne’e SEFOPE buka meius rai ne’ebé mak iha hodi konstrui edifísiu foun SEFOPE.

Iha intervista, 𝐒𝐮𝐚 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, Sr Mélio de Jesus, SH, hateten, rai ne’e atu utiliza ba edifísiu Diresaun SEFOPE Munisípiu Lautém nian, nune’e futuru sei hari mós ba iha Sentru Formasaun ba foin sa’e sira iha Munisípiu Lautém.

Tanba ida ne’e, Governu lokál iha Munisípiu Lautém nafatin apoiu total ba programa Governu Sentrál nian ne’ebé ba kualkér atividade ba situasaun ne’ebé presiza Governu lokál nafatin apoiu totál. Prezidente Autoridade mós mensiona, atribuisaun Rai ba SEFOPE nia luan hamutuk 80 no naruk hamutuk 100, ne’ebé Governu anterior atribui liu husi Ministériu da Justisa ba Ministériu Administrasaun Estatal mak entrega ba iha SEFOPE.

Iha fatin ne’ebé hanesan, 𝐒𝐮𝐚 𝐄𝐬𝐞𝐥é𝐧𝐬𝐢𝐚, Sekretáriu Estadu ba Formasaun Profisionál no Empregu (SEFOPE), 𝐒𝐫. 𝐑𝐨𝐠é𝐫𝐢𝐨 𝐀𝐫𝐚ú𝐣𝐨 𝐌𝐞𝐧𝐝𝐨𝐧ç𝐚, haktuir tan katak, Munisípiu Lautém mak ikus hetan edifísiu ne’ebé dignu ba funsionáriu sira, tanba observasaun husi públiku ba fatin atual Diresaun SEFOPE Munisípiu Lautém utiliza ba fatin ne’ebé la sufisiente ba funsionáriu sira atu atende ba públiku. Tanba ida ne’e Governu liu husi Sekretáriu Estadu Formasaun Profisionál no Empregu koordena ho Prezidente Autoridade Munisipál Lautém fasilita ona rai mai iha SEFOPE nune’e iha oportunidade hodi bele harii kondisaun edifísiu ida ne’e.

Aumesmu tempu iha futuru prepara mós espasu ne’ebe sufisiente nune’e mos prepara ba fatin Sentru Formasaun tenke tau iha fatin ida ne’e, nune’e Diresaun SEFOPE Munisípiu Lautém bele kontrola direta ba iha kualidade Sentru Formasaun.

Entretantu, konstrusaun Edifísiu SEFOPE Munisípiu Lautém sei responsabiliza husi kontraktor, Quaro Cunha Unipessoal, Lda. ho Valor Kontratu hamutuk $ 99,195,86.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢