𝐋𝐨𝐬𝐩𝐚𝐥𝐨𝐬, 𝐃𝐨𝐦𝐢𝐧𝐠𝐨, 𝟏𝟕 𝐀𝐠𝐨𝐬𝐭𝐨 𝟐𝟎𝟐𝟓

Autoridade Munisipál Lautém, liu husi Komisaun Organizadora organiza atividade serimónia reflesaun iha ámbitu Komemorasaun Aniversáriu Tinan 50 Ezisténsia FALINTIL nian, hodi hanoin filafali pasajen FALINTIL 1975 to’o 1999, ne’ebé partisipa másimu husi Ministru Petróleu no Rekursus Minerais, 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, Maijór Jenerál 𝐉𝐨ã𝐨 𝐌𝐢𝐫𝐚𝐧𝐝𝐚 “𝐀𝐥𝐮𝐜 𝐃𝐞𝐬𝐜𝐚𝐫𝐭𝐞𝐬, FALINTIL-Forsa Defeza Timor-Leste (F-FDTL) 𝐊𝐨𝐫𝐨𝐧𝐞𝐥 𝐁𝐞𝐧𝐞𝐝𝐢𝐭𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 “𝐏𝐔𝐍𝐔 𝐅𝐀𝐍𝐔” Coronel 𝐍𝐮𝐧𝐞𝐬, Komandu Polísia Nasionál Timor-Leste (PNTL) Munisípiu Lautém, Veteranu/a, Estudante no partisipante sira seluk, atividade reflesaun ne’e hala’o iha Salaun GOR Lospalos Vila.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, Autoridade Munisipál Lautém hetan priviléjiu ida husi Ministériu Defesa, liu husi Komandu F-FDTL atu komemora tinan 50 Ezisténsia FALINTIL nian iha rejiaun Um Ponta-Leste ne’ebé destinadu iha Munisípiu Lautém.

Tanba ida ne’e mak ohin kalan tama ona Refleksaun kalan nian, nune’e nu’udar Prezidente Autoridade Munisipál Lautém agradese ba Ministériu Defeza no Komandu F-FDTL, Ministériu Petroleu Rekursu Minerais apoiu tomak hodi Autoridade Munisipál Lautém hodi bele hala’o festeja loron Falintil ba dala 50 iha Munisípiu Lautém.

Nu’udar Prezidente Autoridade Munisipál Lautém husu husu ba partisipante sira hotu, ne’ebé hola parte iha kalan Refleksaun ida ne’e, partisipa ho másimu atu nune’e bele hatene lala’ok FALINTIL nian, ne’ebé Orador na’in tolu sei esplika, Ministru Petróleu no Rekursus 𝐌𝐢𝐧𝐞𝐫𝐚𝐢𝐬, 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, lori mateira ho tópiku “𝐏𝐚𝐩é𝐥 𝐄𝐬𝐭𝐚𝐝𝐮 𝐧𝐨 𝐆𝐨𝐯𝐞𝐫𝐧𝐮 𝐛𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐈𝐧𝐬𝐭𝐢𝐭𝐮𝐢𝐬𝐚𝐮𝐧 𝐅𝐚𝐥𝐢𝐧𝐭𝐢𝐥 𝐅-𝐅𝐃𝐓𝐋” Maijór Jenerál 𝐉𝐨ã𝐨 𝐌𝐢𝐫𝐚𝐧𝐝𝐚 “𝐀𝐥𝐮𝐜 𝐃𝐞𝐬𝐜𝐚𝐫𝐭𝐞𝐬” lori matéria ho tópiku “𝐄𝐱𝐭𝐞𝐧𝐝𝐞𝐫 𝐚 𝐏𝐚𝐳 𝐚𝐨 𝐏𝐨𝐯𝐮” no 𝐊𝐨𝐫𝐨𝐧𝐞𝐥 𝐁𝐞𝐧𝐞𝐝𝐢𝐭𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 “𝐏𝐔𝐍𝐔 𝐅𝐀𝐍𝐔” lori materiá ho tópiku “𝐇𝐢𝐬𝐭𝐨𝐫𝐢𝐚 𝐅𝐚𝐥𝐢𝐧𝐭𝐢𝐥 𝟏𝟗𝟕𝟓 𝐭𝐨’𝐨 𝟏𝟗𝟗𝟗”.

Tanba ida ne’e, komemora loron 20 Agosto tinan 50 Ezisténsia FALINTIL, Autoridade Munisipál Lautém enkaixa ho atividade oioin hanesan, Refleksaun hodi hanoin filafali pasajen FALINTIL nian, Poezia, Dansa Kultural, Kompetisaun Coru ne’ebé fahe ba parte tolu hanesan múzika rua obrigatóriu no múzika ida eskolidu maibé nia títulu ho rezisténsia nian, Karavana no Parada Militar nian, ne’ebé sei partisipa másimu husi Komandu F-FDTL Pelotaun ida, PNTL Munisípiu Lautém, Korpu Seguransa Sivíl no Bombeirus, Partidu Polítiku ne’ebé eziste iha tinan 1975 no Organizasaun Rezisténsia ne’ebé moris hodi apoiu ba iha rezisténsia ne’ebe ho ida-idak nia estardante.

Nune’e, atividade hirak ne’e, Autoridade Munisipál Lautém hala’o ona, hahú iha loron 9 Agosto ne’ebé abertura Feira Munisipál no Palku Munisipál nian, atu komemora loron Falintil no kontinua to’o iha loron 30 de Agosto Konsulta Popular iha Munisípiu Lautém.

Enkuantu, partisipa Refleksaun ida ne’e, Estudante Eskola Sekundária Jerál Nino Conis Santana, Eskola Sekundária Jerál Lere Anan Timur, Eskola Tékniku Vokasionál (Laico) aleinde ne’e mós Estudante husi Ensinu Báziku Filial no 1 2 Muapitine halo Poezia ho títulu “Da Minha Poezia é Grande Heroi”.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢