𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚 𝟓 𝐀𝐠𝐨𝐬𝐭𝐨 𝟐𝟎𝟐𝟓

Ajénsia Internasionál World Food Programme (WFP) liu husi Representative and Country Director, 𝐉𝐚𝐜𝐪𝐮𝐞𝐥𝐢𝐧𝐞 𝐝𝐞 𝐆𝐫𝐨𝐨𝐭 ho ekipa hala’o audiénsia ho Prezidente Autoridade Munisipál Lautém akompaña Sekretáriu Munisipál Assuntu Sosiais no Organizasaun Komunitária, ho Diretor Servisu Munisipál Edukasaun, Saúde, Protesaun Sivil Jestaun Dezastre Naturais, Diretora Delegasaun Territorial no reprezentante Autoridade Protesaun Civil, hodi aprezenta programa ne’ebé World Food Programme atu hala’o iha Munisípiu Lautém, enkontru ne’e hala’o iha Sala VIP Administrasaun Autoridade Munisipál Lautém.

Programa ne’ebé Ajensia World Food Programme atu hala’o iha Munisípiu Lautém mak, sei konstrui uma refeitoriu 6 ba Merenda Eskolar nian, ne’ebé sei identifika husi Autoridade Munisipál Lautém, WFP sei hola batar ut hodi fahe ba Sentru Saúde sira hodi kontinua fahe ba inan sira ne’ebé ho mal nutrisaun, WFP sei servisu hamutuk ho MSSI hodi implementa programa apoiu Bolsa da Mae Inkondisional ne’ebé iha tempu badak sei iha akordu entre WFP ho MSSI. nune’e mós WFP kontinua servisu hamutuk ho Autoridade Protesaun Civil hodi fó apoiu ba situasaun emerjénsia bainhira Komunidade sira infrenta iha terenu.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, agradese tebes ba Ajensia Internsionál World Food Programme (WFP) ne’ebé apoiu Autoridade Munisípál Lautém iha área Edukasaun, Saude, MSSI no Autoridade Protesaun Civil nian iha Munisípiu Lautém. Tanba ida ne’e, Autoridade Munisipál Lautém kontinua nafatin servisu hamutuk ho WFP ba implementasaun programa iha Munisípiu Lautém, ne’ebé sei foku liu ba konstrusaun refeitóriu ba Estudante sira ne’ebé dignu, nune’e bele hetan hahán sira ne’ebé dignu, tanba WFP planeadu ona atu konstrui projetu Uma refeitóriu 6 ba Eskola iha Munisípiu Lautém, ho ida ne’e Autoridade Munisipál Lautém sei identifika eskola sira ne’ebé seidauk iha refeitóriu nune’e bele fó lista ba WFP hodi halo konstrusaun.

Munisípiu Lautém mós iha risku dezastre naturais, liuliu iha Postu Administrativu sira hanesan Iliomar, Luro, Lautém, Lospalos no Lore ne’ebé risku ba dezastre naturais hodi risku ba Komunidade sira, nune’e husu apoiu ba WFP bele apoiu fasilidade ruma mai iha Autoridade Protesaun Civil, atu bele membru APC bele utiliza hodi atende ba Komunidade sira.

Iha fatin hanesan, Representative and Country Director, 𝐉𝐚𝐜𝐪𝐮𝐞𝐥𝐢𝐧𝐞 𝐝𝐞 𝐆𝐫𝐨𝐨𝐭, hatutan, WFP iha Munisípiu Lautém sei haree liu Konstrusaun refeitóriu ba Merenda Eskolár nian, tanba iha Munisípiu Lautém sei iha konstrusaun hamutuk 6 maibé sei konfirma Autoridade Munisipál Lautém atu bele foti desizaun hamutuk hodi identifika eskola.

WFP mós apoiu nafatin Ministériu Saúde, ne’ebé agora dadaun Ministériu Saúde tau osan liu husi WFP sei hola batar ut hodi fahe ba Sentru Saúde sira hodi kontinua fahe ba inan sira ne’ebé ho mal nutrisaun, nune’e mós WFP servisu hamutuk ho MSSI atu implementa programa, nune’e ba oin Governu sei tau osan implementa programa hodi apoiu Bolsa da Mae Inkondisional ne’ebé iha tempu badak sei iha akordu entre WFP ho MSSI. nune’e mós WFP servisu hamutuk ho Autoridade Protesaun Civil hodi fó apoiu ba situasaun emerjénsia bainhira Komunidade sira infrenta iha terenu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢