𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟏 𝐀𝐠𝐨𝐬𝐭𝐨 𝟐𝟎𝟐𝟓

𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém akompañia ho Sekretáriu Munisipál Administrasaun no Finansas, Diretor Servisu Munisipál Agrikultura Munisípiu Lautém hamutuk ho funsionáriu no extensionista sira kontinua kolleita Fore Mungu hamutuk 1.7 hektare, iha resintu Administrasaun Autoridade Munisipál Lautém.

Iha intervista, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, Koilleta ohin Fore Mungu ida ne’e kontinuasaun ba programa Demo Plot ne’ebe Autoridade Munisipál Lautém planeia iha tinan kotuk. Tanba ida ne’e Prezidente Autoridade Munisipál Lautém esplika, bainhira kolleta dala haat ba Fore Mungu ne’e remata, sei troka kuda variedade no produtu seluk, ho nune’e fó ona instrusaun ba Diretor Servisu Munisipál Agrikultura Munisipál Lautém ho nia Xefe Departamentu depois koilleta Fore Mungu troka kedas ho variedade seluk, tamba iha areadores Administrasaun Autoridade Munisipál nian, tamba ida ne’e Autoridade Munisipál Lautém planeia hodi utiliza ba programa Demo Plot Agrikultura Integradu nian.

Nia dehan, Koilleta Fore Mungu ida ne’e sei haree ba nia kuantidade, bainhira fornese ba menu ai han ba Menreda Eskolár nian ba estudante sira, tamba ida ne’e informa ba ekipa jestaun iha kada Ensinu Báziku no Pre-Eskolar sira bele sosa produtu lokál, tanba menu indikativu tenke sosa produtu lokál 75%, hodi fornese ba merenda eskolár nian. Tamba ida ne’e, Prezidente Autoridade Munisipál Lautém husu ba Diretor Servisu Munisipál Agrikultura Munisipiu Lautém ho Xefe Departamentu hodi kontinua nafatin programa ida ne’e, hodi bele hasa’e produsaun atu garantia nia kuantidade iha futuru.

Nune’e bainhira Kolleita dahaat remata, Prezidente Autoridade Munisipál Lautém iha ona planu atu kontinua kuda modo tahan, repoilu no variedade seluk, iha área resintu Administrasaun Autoridade Munisipál Lautém, kuaze 1.7 Hektare.

Entretantu, Servisu Munisipál Agrikultura Munisípiu Lautém mos hetan apoiu fundus oituan husi Ministériu Agrikultura hodi apoiu ba kada Postu Administrativu no Suku liuliu ba extensionista iha Suku sira nune’e kada extensionista sira bele hala’o ninia kantereiru modo fatin nian, husi ne’e bele hatudu exemplu di’ak ba agrikultura sira nune’e bele banati tuir.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢