𝗟𝗼𝘀𝗽𝗮𝗹𝗼𝘀, 𝗦𝗲𝘅𝘁𝗮-𝗳𝗲𝗶𝗿𝗮, 𝟱 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

Autoridade Inspesaun Fiskalizasaun Atividade Ekonómia Sanitária no Alimentar, Instituto Públiku (AIFAESA, I.P), hala’o koordenasaun no fahe informasaun Servisu relasiona ho Kompeténsia AIFAESA, I.P nian hodi kontrolu ba atividade Ekonómia iha Munisípiu Lautém, atividade ne’e abertura husi reprezentante, Prezidente Autoridade Munisipál Lautém, Sekretáriu Munisipál Administrasaun no Finansas 𝗦𝗿. 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀, ne’ebé hala’o iha Salaun Administrasaun Autoridade Munisipál Lautém.

Iha intervensaun, reprezentante, Prezidente Autoridade Munisipál Lautém, Sekretáriu Munisipál Administrasaun no Finansas 𝗦𝗿. 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀, hateten, reuniaun ida ne’e kona-ba AIFAESA atu halo koordenasaun servisu ho Autoridade Munisipál Lautém nune’e bele hatene ida-idak ninia servisu iha terenu.

Sekretáriu Munisipál Administrasaun no Finansas husu ba ekipa AIFAESA bainhira atu tun ba iha terenu halo fiskalizasaun ba sasán iha loja sira iha Munisípiu Lautém tenke halo Koordenasaun ho Autoridade Munisipál Lautém no Delegasaun Teritorial sira iha Munisípiu Lautém no parte seguransa nune’e bele tun ba iha terenu ho ekipa.

Enkuantu partisipa ba enkontru ida ne’e hanesan Diretor Servisu Munisipál Jestaun Merkadu no Turismu Munisípiu Lautém ho Xefe Departamentu, reprezentante Komandante Eskuadra Postu Lospalos, Administrador Postu Lore no reprezentante Administrador Postu Lautém no Diretor Servisu Delegasaun Teritorial sira ne’ebé liga ho Asuntu ida ne’e.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢