𝗟𝗼𝘀𝗽𝗮𝗹𝗼𝘀, 𝗦á𝗯𝗮𝗱𝘂, 𝟯𝟬 𝗔𝗴𝗼𝘀𝘁𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, hamutuk ho membru Parlamentu Nasionál, 𝗦𝗿. 𝗔𝗹𝗯𝗶𝗻𝗼 𝗱𝗮 𝗦𝗶𝗹𝘃𝗮, 𝗦𝗿𝗮. 𝗠𝗮𝗿𝗶𝗮 𝗔𝗻𝗮𝗯𝗲𝗹𝗮 𝗦á𝘃𝗶𝗼, Reprezentante Komandu F-FDTL 𝐊𝐨𝐫𝐨𝐧𝐞𝐥 𝐁𝐞𝐧𝐞𝐝𝐢𝐭𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 “𝐏𝐔𝐍𝐔 𝐅𝐀𝐍𝐔” reprezentante CNE, reprezentante Ministeriu Petróleu no Rekursu Minerais, reprezentante Sekretáriu Estadu Kooperativa, Diretor Komisaun Anti Korupsaun, reprezentante Prezidente CMCLN Munisípiu Lautém, Prezidente Kamara Komérisu Industria Timor-Leste Munisípiu Lautém, reprezentante Komandante Polísia Nasionál Timor-Leste, Munisípiu Lautém, Veteranu/a ba família Eroi no martir sira no Povu Munisípiu Lautém hala’o ona selebrasaun loron Konsulta Popular ba dala 26 ne’ebé ho tema “Lori Paz ba Mundu”, nune’e Autoridade Munisipál Lautém hala’o ho atividade oin-oin hodi hanoin hikas fali ba loron 30 de Agostu 1999, iha ne’ebé Povu Timor-Leste aten-barani no firme ba determinasaun hodi hakat ba urna sentru votasaun hodi deside nasaun no Povu nia destinu, atividade ne’e hala’o iha Kampu 28 Novembru iha área dores Feira Podutu Lokál nian iha Postu Administrativu Lospalos Vila.

Iha diskursu, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hateten, iha loron 30 de Agostu 1999 iha tempu difisil tebes, iha tempu ida ne’e timor oan sira ida-idak vontade ho aten brani, organizadu ba determinasaun hodi hakat ba urna votasaun atu determina destinu rai ne’e ho povu ne’e nia desizaun liu husi votasaun Konsulta Popular ne’ebé ho rezultadu 78,5 Povu Timor-leste hili dala ukun rasik an.

Tanba ida ne’e, Autoridade Munisipál Lautém hamutuk ho Povu komemora ona loron Historiku ida ne’e ba dala 26, maibé historia Konsulta Popular sei fresku iha ita-nia memória, momentu ida ne’e fó oportunidade la’os de’it atu hamutuk sai sasin konta historia pasadu, maibé atu halo reflesaun kle’an kona-ba sakrifísiu no dedikasaun tomak ba timor oan lubuk mak halo prosesu libertasaun da pátria, ita labele haluhan katak, iha ema barak mane no feto katuas ferik labarik no joven ne’ebé sakrifika sira nia an, la’ós tanba buat seluk, maibé ho objetivu sagradu ida katak, ita-nia Bandeira hasai hodi livre iha rai Lafaek Timor Lorosa’e.

Nune’e lider másimu iha Munisípiu Lautém sujere ba Jerasaun kontinuador tau as interese ho responsabilidade hodi rekoñese sakrifísiu sira, valoriza veteranu/a sira, kombatente no família martir sira hodi hatutan historia ne’ebé jerasaun inspira hodi bele moris tuir loro-loron. Tanba nee hakarak aproveita momentu ida ne’e enkoraja no apela nafatin ba entidade sira hotu iha Munisípiu Lautém hahú husi nivel Governasaun Sosiedade Sivil, Setor privadu, partidu polítiku Organizasaun rezisténsia, juventude, Estudante no Komunidade sira hotu atu utiliza historia pasadu, nu’udar lalenok di’ak, hodi hateke ba futuru, maski iha defisiénsia aspetu Politiku no sosiál labele sai barreira ba ita-nia dezenvolvimentu, maibé tenke prinsípiu no valór unidade no determinasaun iha ita-nia prátika moris loroloron nian hodi luta ba Edukasaun, Saúde no luta ba dezenvolvimentu ne’ebé justu ba ita-nia komunidade, tanba ida ne’e ohin ita la’os de’it komemora historia, maibé mós atu reafirma ita komprimisiu atu fó kontinuidade ba prosesu dezenvolvimentu ida ne’ebé ekilíbriu inkluzivu, justu no sustentavel nune’e bele lori moris di’ak ba ita-nia komunidade.

Iha ámbitu serimónia Loron Konsulta Popular, Autoridade Munisipál Lautém ofisialmente ajudus umanitária Fos 25kg ba komunidade Vulneravel sira ne’ebé identifika husi Xefe Suku sira, atribuisaun prémiu ba mellor klasifikasaun husi kompetisaun ho modalidade hanesan, Dansa Kultura ba Loron FALINTIL nian, mellor klasifikasaun ba modalidade Poezia ba iha Loron FALINTIL, mellor klasifikasaun Coru no Kansaun ba loron FALINTIL, mellor klasifikasaun modalidade Sertame ba loron FALINTIL, Mellor Klasifikasaun ba iha modalidade Gastronomi, te’in produtu lokál ba loron FALINTIL.

Komisaun Organizadora (KO) atribuisaun prémiu ba mellor klasifikasaun husi kompetisaun ho modalidade hanesan, Koru no Kansaun ba Loron Konsulta Popular, Jogu Torneiu Futsal, Arte Zenatu, nune’e mós atribuisaun prémiu ba mellor klasifikasaun husi kompetisaun ho modalidade Jogu Torneiu Futsal Loron Konsulta Popular.

Nune’e mós iha atividade desportiva Boxing husi Sasana, Natura Boxin Clube-NBC ho Sasana, Lospala Boxing Clube-LBC halo animasaun Komunidade liu husi Exibisaun Atleta sira husi Clube Rua Perpara ona iha loron 30 Kalan nian, no iha mós Jogu Excebisaun hetan Partisipa Atl mós husi Sanana El’ Matador Boxing Clube ho nia Atleta, nune’e ba fulan Novembru Komemorasaun Loron Proklamasau Independesia 28 Novembru ba dala 50 tinan 2025 sei realiza mós eventu Boxing iha fatin Ginazio Munisípiu Lautém.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)