𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗴𝗮-𝗳𝗲𝗶𝗿𝗮, 𝟭 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

Autoridade Munisipál Lautém, liu husi reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu, 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, prezide serimónia Içar Bandeira Nasionál, ba Semana Dahuluk fulan Setembru nian, ne’ebé responsavel husi Diresaun Servisu Munisipál Edukasaun Munisípiu Lautém, ne’ebé hala’o iha resintu Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu,𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, agradese ba Komisaun Organizadora, ne’ebé fó servisu makas ba atividade rua hanesan Loron FALINTIL no Konsulta Popular.

Tanba ida ne’e, husu ba kada Seksaun ne’ebé inklina an iha Komisaun Organizadora ba loron nasionais sira, tenke kontrola nafatin ninia funsionáriu sira, atu nune’e bainhira iha servisu ruma partisipa nafatin hodi hala’o atividade.

Reprezentante Prezidente Autoridade Munisipál Lautém reforsa tan katak, fulan oin sei iha atividade ba loron 28 Novembru ba Proklamasaun Independenia ba dala 50, nune’e ba kada Seksaun sira tenke servisu nafatin ho responsabilidade atu nune’e bele fó susesu tan ba loron nasionais 28 Novembru ne’ebé sei iha fulan oin mai.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢