𝗟𝗮𝘂𝘁é𝗺, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟯 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

Autoridade Munisipál Lautém, liu husi, Sekretáriu Munisipál Planeamentu Investimentu no Dezenvolvimentu Integradu, reprezentante Prezidente Autoridade Munisipál Lautém hamutuk ho Bispo Diocese Baucau, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀, reprezentante Komandu F-FDTL no Komandu Polísia Nasionál Timor-Leste (PNTL) Munisípiu Lautém, ofisialmente hala’o Inaugurasaun no Asina Plaka Eskola Kolégio Marista Lautém, tanba Eskola Kolégio Marista Lautém sei tranzmite siénsia liu husi aprendizajen ba estudante sira ho kualidade iha futuru, Eskola ne’e finansia husi Marista, ne’ebé hala’o iha Postu Administrativu Lautém, Munisípiu Lautém.

Iha intervensaun, Sekretáriu Munisipál Planeamentu Investimentu no Dezenvolvimentu Integradu, reprezentante Prezidente Autoridade Munisipál Lautém, 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, Autoridade Munisipál Lautém agradese ba Kolegio Marista ne’ebé harii Eskola Marista iha fatin Postu Administrativu Munisípiu Lautém ne’ebé ho Kualidade tebes hodi atraitivu ba ba foin sa’e sira hodi hala’o ninia estudu iha Eskola Colégio Marista ida ne’e iha futuru. Tanba ida ne’e, reprezentante ne’e esplika, iha futuru fatin ida ne’e sei aumenta tan ninia kualidade Ambiente no Edukasaun, tanba fatin ida ne’e dok husi Estrada ibun, nune’e estudante sira bele hetan aprendizajen sei kualidade ne’ebé di’ak, nune’e iha futuru bele bele dezenvolve nasaun ida, tanba nasaun ida ne’e presiza tebes rekursu ne’ebé ho kualidade.

Iha fatin ne’ebé hanesan, Bispo Diocese Baucau, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀, lori Diocese hakarak agradese ba Na’in ba Rai, Xefe Suku, Administrador Postu no Autoridade Munisípiu Lautém, ne’ebé ho domin tomak oferese rai kuaze 9 Hektare ba Marista sira hodi konstrui edifisiu Eskola Kolegio Marista iha Postu Administrativu Lautém Munisípiu Lautém.

Dom Leandro Maria Alves esplika, oferese rai ne’e ba Irmaun sira ho domin tomak hodi halo nabilan ba rai ne’e iha futuru, la’os de’it edifísiu sira, maibé Irmaun sira hakarak tulun atu halo nabilan liu tan ita-nia rai ida ne’e ho ita-nia oan sira, tanba matenek ne’ebé Iramun sira iha atu kuda ba ita-nia oan sira ne’ebé ksolok.

Tanba ida ne’e, Diocese Baucau, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀, husu ba komunidade sira iha Postu Administrativu sira, buka atu suporta malu no tulun malu ba Irmaun Marista sira iha ne’e, hodi hanorin ba oan sira iha kualidade ne’ebé di’ak ba ema hotu-hotu agora atu hetan eskola ne’ebé kualidade tenke fó liman ba malu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢