𝗟𝗼𝘀𝗽𝗮𝗹𝗼𝘀, 𝗧𝗲𝗿𝘀𝗮-𝗳𝗲𝗶𝗿𝗮, 𝟮𝟲 𝗔𝗴𝗼𝘀𝘁𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, simu vizita husi 𝗦𝘂𝗮.𝗘𝘀𝗲𝗹é𝗻𝘀𝗶𝗮, Embaixadora Portugal iha Timor-Leste, 𝗦𝗿𝗮. 𝗠𝗮𝗿𝗶𝗮 𝗠𝗮𝗻𝘂𝗲𝗹𝗮 𝗙𝗿𝗲𝗶𝘁𝗮𝘀 𝗕𝗮𝗶𝗿𝗿𝗼𝘀, hodi koordenasaun servisu relasiona ho konstrusaun Edifísiu foun ba Sentru Civika Kultural Nino Conis Santana nian, no reabilitasaun Kampu fotibol iha Suku Tutuala, audiénsia ne’e hala’o iha Sala Gabinete Prezidente Autoridade Munisipál Lautém.

Iha intervista, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, nafatin apoiu programa husi korpu bilaterál sira no parseiru dezenvolvimentu sira, hodi hala’o ba kualkér atividade ne’ebé fó benefísiu ba Povu Autoridade Munisipál Lautém apoiu programa.

Enkuantu, lider másimu iha Munisípiu Lautém konfirma, objetivu vizita husi Sua.Eselénsia, Embaixadora Portugal iha Timor-Leste mai iha Administrasaun Autoridade Munisipál Lautém atu halo koordenasaun ba atividade balun ne’ebé sei finansia husi Embaixada Portugal, hanesan Konstrusaun ba Sentru Civika Kultural Nino Conis Santana iha Postu Administrativu Tutuala, Suku Tutuala.

Durante iha enkontru ne’e, Sua.Eselénsia Embaixadóra Portugal esplika, iha fulan Outobru komesa hahú ona konstrusaun ba Sentru Civika Kultural Nino Conis Santana, nune’e fin do Ano ba tinan oin bele halo inaugurasaun ba projetu refere, inklui mós Embaixadora aprezenta kona-ba reabilitasaun kampu fotibol iha Postu Administrativu Tutuala Suku Tutuala nian.

Aleinde ida ne’e, Embaixadora Portugal iha Timor-Leste mós aprezenta proposta ida kona-ba reabilitasaun Kapela São José iha Suku Tutuala, maibé proposta ida ne’e sei ko’alia ho Bispo Diocese Baucau, Dom Leandro Maria Alves, atu hala’o reabilitasaun kapela iha Postu Administrativu Tutuala.

Embaixadóra mós aprezenta proposta ida mai iha Autoridade Munisipál Lautém ba Patrimonia Estadu nian hanesan uma antiga tempu portugeza nian hamutuk 4 iha Suku Moru Postu Administrativu Lautém, tanba uma ki’ik oan ne’ebé hakerek hela primeiru sokoru sira atu reabilita fatin ida ne’e.

Nune’e mós husu atu aumenta aula ba iha Eskola Primaria iha Suku Parlamentu, ne’ebé agora dadaun hela iha, ne’ebé fó hanorin husi Madre sira.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢