𝗟𝗼𝘀𝗽𝗮𝗹𝗼𝘀, 𝗦𝗲𝘅𝘁𝗮-𝗳𝗲𝗶𝗿𝗮, 𝟭𝟮 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Embaixador Indonesia iha Timor-Leste, 𝗢𝗸𝘁𝗼 𝗗𝗼𝗿𝗶𝗻𝘂𝘀 𝗠𝗮𝗻𝗶𝗸, akompaña ho Adidu Defesa, Adidu Seguransa, Adidu Imigrasaun, Adidu Edukasaun, Protokuler no Asistent 1 Sekretáriu Embaixador nian mai iha hala’o ho Prezidente Autoridade Munisípiu Lautém ho nia estrutura, audiensia ne’e hala’o iha Sala VIP Administrasaun Autoridade Munisipál Lautém.

Objetivu husi audiensia ne’e, atu hala’o koordenasaun servisu ho Autoridade Munisípiu Lautém, relasiona ho sidadaun Indonesia nian kuaze160 ne’ebé hela iha Munisípiu Lautém, balun kaben ho sidadaun Munisípiu Lautém, balun halo atividade negósiu no balun hanesan Traballador ne’ebé hela iha Munisípiu Lautém, nune’e mós diskute asuntu prioridade sira hanesan Edukasaun, Semiteriu hodi re-alokasaun ba restu mortais ba sidadaun Indonesia nian iha Munisípiu Lautém, Imigrasaun no negosiu iha area Peska nian, no observa Munisípiu Lautém nia furak.

Iha intervista, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hateten, Autoridade Munisípiu Lautém hetan vizita husi Sua.Eselénsia Embaixadór Indonesia iha Timor-Leste mai iha Administrasaun Autoridade Munisipál Lautém ho objetivu atu haree Munisípiu Lautém no halo Koordenasaun Servisu ho Autoridade Munisípiu nian ne’ebé ligadu ba Sidadaun Indonesia nian ne’ebé hela iha Munisípiu Lautém kuaze 160, tanba sidadaun sira ne’e balun kaben ho sidadaun Munisípiu Lautém, balun halo atividade negósiu no balun hanesan Traballador hela iha Munisípiu Lautém.

Prezidente Autoridade Munisípiu esplika, durante audiénsia ne’e ko’alia mós kona-ba Setor Edukasaun nian, iha ne’ebé sidadaun Munisípiu Lautém barak mak hala’o estudu iha Indonesia kuaze 12 Mil, nune’e mós ko’alia kona-ba Kooperasaun servisu relasiona ba Semiteriu Indonesia nian iha Munisípiu Lautém, oinsá atu halo re-alokasaun, tanba antes ne’e hala’o re-alokasaun, maibe impede husi moras mundial no Kovid-19 ne’ebé tinan 4 liu ba, tanba ida ne’e iha tempu badak sei hala’o re-alokasaun restu mortais husi Indonesia nian iha Munisípiu Lautém ne’ebé sei hakoi iha Jardim do Heroi Indonesia nian iha Munisípiu Lautém, tanba ida ne’e nune’e husu Autoridade Munisipál Lautém koopera ho Governu Indonesia nian oinsá atu bele halo re-alokasaun.

Enkuantu Autoridade Munisipál Lautém husu ba Embaixador Indonesia iha Timor-Leste posibilidade bele fasilita Embaixador Indonesia bele servisu hamutuk ho Nonu Governu Konstituisionál, atu kria merkadu tradisionál ne’ebé halo entre Munisípiu Lautém nia sidadaun sira iha área kosteira Tasi-Ibun hanesan Com ne’ebé halo merkadoria liu husi Bero iha Tasi hodi fasilita, nune’e bele tama iha área Indonesia nian hanesan Wetar, Kisar ne’ebé diak, maibe resposta pozitivu, nune’e mós Indonesia mós loke ona Illa hamutuk 4 hanesan Wetar, Kisar, Wera no Leti bele ona sira nia imigrasaun hodi komersiál no Merkadu Tradisional ne’ebé la’o hela hodi fasilita negósiu nian, maibé ida ne’e sei hare aspetu balun, hodi bele evita ba sidadaun ne’ebé laiha responsabilidade aproveita merkadu ida ne’e hodi hatama sasán Kontra Lei rai rua nian.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢