𝗗í𝗹𝗶, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟱 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hamutuk ho Sekretáriu Munisipál Administrasaun no Finansas, Sekretáriu Munisipál Planeamentu Investimentu no Dezenvolvimentu Integradu, Sekretáriu Munisipál Assuntu Sosiais no Organizasaun Komunitária, akompaña ho Diretor Servisu Munisipál PDIM, Obras Públika, PNDS no SMASA partisipa Semináriu Nasionál kona-ba Desentralizasaun iha Timor-Leste ba Progresu Dezafiu no Oportunidade “𝗗𝗮𝗹𝗮𝗻 𝗕𝗮 𝗣𝗼𝗱𝗲𝗿 𝗟𝗼𝗸á𝗹”, ne’ebé organiza husi Ministériu Administrasaun Estatal (MAE), servisu hamutuk ho Embaixada Australia iha Timor-Leste, ne’ebé abertura husi Ministru Planeamentu no Investimentu Estratéjiku (MPIE) reprezenta Primeiru Ministru (PM), hala’o iha Salaun Delta Nova Dìli.

Depois abertura Semináriu Nasionál, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hato’o kedas preokupasaun relasiona edifísiu Infraestrutura baziku sira hanesan Pre-Eskolar, Ensinu Rekorente no Ensinu Báziku, tanba Lei No.84 dominiu Edukasaun ba Pre-Eskolar no Ensinu Báziku ba kontrusaun ne’e entrega ona ba Munisípiu hodi hala’o, tanba ida ne’e husu ba Ministeriu Edukasaun atu esplika detallu kona-ba situasaun sira ne’e.

Aleinde ne’e mós atividade Semináriu Nasionál kona-ba desentralizasaun iha Timor-Leste Progresu Dezafiu no Oportunidade “𝗗𝗮𝗹𝗮𝗻 𝗕𝗮 𝗣𝗼𝗱𝗲𝗿 𝗟𝗼𝗸á𝗹” koordena no implementa husi Diresaun Jeral Simplifikasaun no Modernizasaun Administrasaun Lokál no Diresaun Jerál Desentralizasaun no Governu Lokál hamutuk ho parseiru husi Governu Australia iha “PARTISIPA”, parseria hametin Dezenvolvimentu Suku no Administrasaun Munisípiu.

Semináriu Nasionál ne’e hala’o durante loron rua nia laran hahú husi loron 15 Setembru to’o loron 16 Setembru 2025, hanesan loron importante ba Ministériu Administrasaun Estatal, tanba durante loron rua nia laran realiza Semináriu Nasionál kona-ba “𝗗𝗮𝗹𝗮𝗻 𝗕𝗮 𝗣𝗼𝗱𝗲𝗿 𝗟𝗼𝗸á𝗹” hodi ko’alia kona-ba progresu saida de’it mak atinji ona, dezafiu saida de’it mak infrenta hela no oportunidade saida de’it mak atu esplora no dezenvolve iha ámbitu Desentralizasaun Administrativa Instituisionál hodi bele hakat ba iha Poder Lokál.

Iha sesaun abertura nian, asina mós termu entrega ekipamentu eletrónika ne’ebé apoiu husi Governu Australia mai iha Ministériu Administrasaun Estatal hafoin kontinua entrega ba Prezidente Autoridade Munisipál sira.

Semináriu Nasionál ne’e partisipa másimu husi Prezidente Autoridade Munisipál 12 ho nia estrutura no Prezidente Administrativa Atauro ho nia estrutura, Dirijente sira husi Ministériu Administrasaun Estatal, Dirijente husi linas Ministériu relevante sira.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)