𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟯 𝗢𝘂𝘁𝗼𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, akompaña ho Sekretáriu Munisipál Administrasaun no Finansas, Sekretáriu Munisipál Planeamentu Investimentu no Dezenvolvimentu Integradu, Diretor Servisu Munisipál Administrasaun no Rekursu Umanu, simu Kartaun TCO husi Koordenador Instituisaun Nasionál Seguransa Sosial (INSS) 𝗦𝗿. 𝗔𝗻𝗶𝘇𝗶𝗼 𝗙𝗿𝗲𝗶𝘁𝗮𝘀 𝗠𝗮𝗿𝗾𝘂𝗲𝘀, nune’e Autoridade Munisípiu kontinua fahe ba kada funsionáriu sira, entrega kartaun TCO ne’e hala’o iha Sala Gabinete Prezidente Autoridade Munisípiu Lautém.

Objetivu Koordenador INSS Munisípiu Lautém mai entrega kartaun TCO ba funsionáriu sira iha Administrasaun Autoridade Munisípiu Lautém, Funsionáriu sira obrigatoriu hetan kartaun husi INSS, tanba iha futuru Traballador sira ne’ebé rejistu ona iha sistema INSS, tanba ne’e mak INSS tenke atribui kartaun ba Traballador sira, nune’e iha futuru ba funsionáriu ne’ebé tempu reforma lori kartaun ne’e ba INSS.

Enkuantu, parte husi INSS halo pedidu mai iha Autoridade Munisipál Lautém liu husi Servisu Munisipál Administrasaun Rekursu Umanu nian, hodi prepara dadus ba Traballador sira ne’ebé servisu iha Autoridade Munisipál nian, nune’e Autoridade Munisípiu Lautém liu husi Diresaun Servisu Munisipál Administrasaun no Rekursu Umanu lori dadus ba INSS hamutuk 168, maibé ekipa INSS imprime ne’e uluk 129 Traballador nian, ne’ebé sei menus kartaun 39 Traballadór nian, tanba mementu ne’e seidauk rejistu iha sistema.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢