𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟯 𝗢𝘂𝘁𝗼𝗯𝗿𝘂 𝟮𝟬𝟮𝟱

Ministériu Administrasaun Estatal (MAE) liu husi Diresaun Nasionál Apoiu Instalasaun Munisípiu, ne’ebé lidera husi Diretor Nasionál Em Exersisiu Xefe Departamentu ho ekipa fó treinamentu ba atividade Refreshing Trening ba Diretor/a Servisu Munisipál, Xefe Departamentu, Administrador Postu, Xefe Servisu Lokál no Xefe Suku sira, ne’ebé abertura husi reprezentante Prezidente Autoridade Munisípiu Lautém, Sekretáriu Munisipál Assuntu Sosiais no Organizasaun Komunitária 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮, hala’o iha Salaun Administrasaun Autoridade Munisípiu Lautém.

Atividade treinamentu Refreshing Trening ida ne’e, oinsá atu aumenta kuñesimentu no kapasita ba kargu Xefia sira, atu nune’e bele hala’o servisu ne’ebé di’ak iha futuru.

iha intervensaun, reprezentante Prezidente Autoridade Munisipál Lautém, Sekretáriu Munisipál Assuntu Sosiais no Organizasaun Komunitária, 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮, hateten, nu’udar Funsionáriu ne’ebé asumi kargu balun envolve an iha Konsellu Konsultivu Munisipál, tenke dominiu pozisaun ne’e ho responsabilidade hodi atende servisu ne’ebé ho kualidade.

Enkuantu ba loron daruak ekipa sira sei esplika ho materia kona-ba Asembleia Postu Administrativu (ASPA) ne’ebé partisipa másimu husi Administrador Postu Xefe Servisu Lokál no Xefe Suku sira hanesan membru ASPA.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢