𝗟𝗮𝗶𝘃𝗮𝗶, 𝗦á𝗯𝗮𝗱𝘂, 𝟭𝟴 𝗢𝘂𝘁𝗼𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém, hamutuk ho Diretor Jerál Ministériu Agrikultura hala’o Sosializasaun kona-ba Funsionamentu Irrigasaun Laivai ba Natar Na’in Sira, atividade Sosializasaun ne’e organiza husi Ministériu Agrikultura iha Laivai Aldeia Samalari, Suku Ililai, Postu Administrativu Lautém, Munisípiu Lautém.

Iha Intevensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, hateten, mai hamutuk iha fatin ida ne’e hodi halo sosializasaun Irrigasaun Laivai, ne’ebé Governu Konstrui hodi fasilita Komunidade sira atu bele halai natar hodi hasa’e produsaun Haree.

Nia dehan historikamente ba utilizasaun natar ne’e durante abandona, tanba difikulta husi Irrigasaun, maibe polítika Nonu Governu Konstituisionál bele konstrui Irrigasaun Laivai, atu nune’e komunidade sira bele utiliza Irrigasaun ne’e hodi halo natar, atu nune’e bele kuda natar hodi hasa’e produsaun alimentar iha Munisípiu Lautém.

Lider masimu iha Munisípiu Lautém, enkoraja ba Komunidade sira ne’ebé pertense iha Postu Administrativu Lautem kompostu husi Suku Ililai, Euquise no komunidade sira parte husi Postu Luro no vizinu sira husi Munisípiu Baucau ne’ebe baliza ho Laivai bele servisu hamutuk hodi tun ba natar laran hodi halai natar no kuda haree hodi bele hasa’e produsaun alimentar, tanba durante ne’e dependente makas Fos inportasaun. Iha oportunidade ida ne’e, Prezidente Autoridade realsa, iha ona Irrigasaun ne’ebé konstrui husi Nonu Governu Konstituisionál, ne’ebé pertense iha Suku rua kompostu husi Suku Ililai no Euquise, bele utiliza Irrigasaun ida ne’e ho di’ak, no motiva komunidade ne’ebé servisu anterior ba beiala sira husik hela mai ita.

Prezidente Autoridade Munisípiu Lautém garantia ba natar 500 Hektare ne’ebé área produtivu tebes iha Suku Ililai no Euquise, ne’ebé apoiu husi Ministeriu Agrikultura no Servisu Munisipál Agrikultura Munisípiu nian hodi fornese fasilidade sira hanesan Traktor, Hen-Trator makina Sama Hare no Kuda Hare, apoiu makina pezadu sira ne’e mai atu dudu mos ai horis sira ne’ebé iha, nune’e bele mós hodi halo natar, tanba ida ne’e komunidade sira servisu koletivu no kolejial iha esperansa ba tinan 2-3 mai sei la sosa tan Fos inportasaun husi rai liur mai iha Munisípiu Lautém liuliu iha Suku Ililai no Euquise.

Nune’e mós husu ba Veterano/a no foin sa’e sira atu apoiu ba Nonu Governu Konstituisionál hodi fó seguransa no asegura ba ekipamentu sira hotu ne’ebé iha fatin ida ne’e, tanba ekipamentu sira ne’e ita rasik maka sei utiliza hodi atende ita nia nesesidade.

Irigasaun Laivai ne’e sei fornese Be ba natar hamutuk 500 Hektare, ne’ebé sei asesu Komunidade husi Suku Rua hanesan Euquisi no Ililai, nune’e mós husi Intek ba natar kuaze 4 Kilo resin, ne’ebé responsavel husi Konsultant Jenetbi Gumer.Lda JV, PT Wahana ADYA Indonezia no Contractor CICO Cina ho Orsamentu hamutuk $9, 361, 964.36.

𝙍𝙚𝙢𝙖𝙩𝙖

𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩𝙚𝙢