𝗟𝗼𝘀𝗽𝗮𝗹𝗼𝘀, 𝗦𝗲𝘅𝘁𝗮-𝗳𝗲𝗶𝗿𝗮, 𝟵 𝗝𝗮𝗻𝗲𝗶𝗿𝘂 𝟮𝟬𝟮𝟲

Autoridade Munisípál Lautém hamutuk ho Funsionáriu sira husi Administrasaun Autoridade Munisipál Lautém no Delegasaun Territorial sira hala’o selebra no festeza Natal no Tinan Foun hamutuk atu hadia no kurije ba atetude komportamentu, liafuan no hanoin ne’ebé durante tinan ida nia laran atu nune’e tinan foun ida ne’e bele servi Povu diak iha futuru husi kiak no mukit ba moris diak, selebrasaun ne’e hala’o iha resintu Administrasaun Autoridade Munisípiu Lautém.

Iha intevensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮 Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, mai halibur hamutuk iha Administrasaun Autoridade Munisipál Lautém hodi selebra no festeza Natal no Tinan Foun nian, nune’e lori Administrasaun Autoridade Munisipál Lautém nia naran hato’o felisitasaun Boas Festa do Santo Natal no Feliz Ano Novu 2026 nian.

Tamba ida ne’e Prezidente Autoridade Munisipál Lautém hakarak selebra Natal hamutuk ho intensaun katak, durante tinan ida nia laran ita nia hahalok, atetude komportamentu, liafuan no hanoin hodi kurije atu nune’e tinan foun ida ne’e bele servi Povu diak iha futuru.

Prezidente Autoridade Munisipál Lautém fo apresiasaun tomak ba funsionáriu sira, Diretor/a Servisu Munisipál ho nia Xefe Departamentu, Diretor/a Delegasaun Territorial sira, Organizasaun Naun Governamentais (ONG), Konsellu Munisipál Kombatentes Libertasaun Nasionál (CMCLN) Munisípiu Lautém, Komandu Polísia Nasionál Timor-Leste (PNTL) Munisípiu Lautém ho nia membru sira hotu ne’ebé durante apoiu tebes hodi asegura situasaun iha Munisípiu Lautém. Tamba ida ne’e responsavel Munisípiu Lautém afirma, Munisípiu Lautém pasa iha Avaliasaun Kondisaun Mínimu Preliminary Munisípiu 5 inklui Munisípiu Lautém ne’ebé hetan mellor klasifikasaun Muito Bom, antes hakat ba Desentralizasaun Poder Lokál, tamba hotu husi ita nia servisu hamutuk.

Partisipa Serimónia festeza natal no tinan foun hamutuk ida ne’e partisipa Vise-Prezidente Konsellu Munisipál Kombatentes Libertasaun Nasionál (CMCLN) Munisípiu Lautém, Administrdor Postu Administrativu sira, Diretor/a Servisu Munisipál, Diretór/a Delegasaun Territorial sira, Xefe Departamentu sira, Xefe Suku sira, Funsionáriu sira, funsionáriu apoiu Suku sira, Dirijente Apoiu NGO sira, Relijiozu no Reliziosa.

Iha serimónia selebrasaun ne’e Autoridade Munisipal Lautém fahe mós sertifikadu ba funsionáriu sira nu’udar apresiasaun ba mellor klasifikasaun servisu Administrasaun Autoridade Munisipál Lautém nian.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢