𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟱 𝗝𝗮𝗻𝗲𝗶𝗿𝘂 𝟮𝟬𝟮𝟲

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipal Lautem, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, sai inspector ba Serimónia Icar Bandeira Nasionál ba semana dahuluk fulan Janeiru tinan 2026, nune’e iha ambitu Serimonia Içar Bandeira Nasionál ne’e enkoraja ba funsionáriu sira atu kria unidade tau forsa hamutuk atu dezenvolve Povu Munisípiu Lautém ba moris di’ak iha futuru, Serimónia Içar Bandeira Nasionál ne’e responsavel husi funsionáriu Administrasaun Autoridade Munisipál Lautém ne’ebé hala’o iha resintu Autoridade Munisipál Lautém.

Iha intervensaun 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, hateten, presiza komprensaun husi funsionáriu sira hotu atu kria unidade hamutuk forsa ida de’it atu dezenvolve Povu Munisípiu Lautém ba moris di’ak iha futuru.

Iha oportunidade ida ne’e, Prezidente Autoridade Munisípál Lautém enkoraja ba funsionáriu sira hotu husi Diresaun Servisu Munisipál hamutuk 19 tinan rua ona serví Povu iha Munisípiu Lautém.

Aleinde ne’e Prezidente Autoridade Munisipál Lautém lori funsionáriu sira hotu hato’o agradese ba ekipa Independente husi MAE, tamba rezultadu ne’ebé fó sai iha loron 29 Dezembru 2025 Munisípiu Lautém fas parte mós iha Munisípiu 5 ne’ebé pasa ba avaliasaun kondisaun mínimu nian ho valor Muito Bom, tamba ne’e servisu makas hahú husi Sekretáriu Munisipál no funsionáriu sira hotu.

Lider másimu iha Munisípiu Lautém, enkoraja ba funsionáriu sira hotu, valor ne’ebé ita hetan foin 80% seida’uk atinje 100%, nune’e iha tinan foun ida ne’e ita hotu esforsu servisu makas atu bele kompleta ba avaliasaun kondisaun mínimu ne’ebé iha ho valor 100% atu nune’e bele hakat ba Eleisaun Poder Lokál iha tinan 2027.

Tamba ida ne’e, semana dahuluk fulan Janeiru tinan foun 2026 nian, ita hahu filafali Serimónia Içar Bandeira Nasionál hodi fó Ondra no Glória ba Aswain sira ne’ebé mate ba rai ne’e nia tulun mak ita bele kontinua hamrik hodi serví ita nia rai espesial Povu Munisípiu Lautém.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)