𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟱 𝗝𝗮𝗻𝗲𝗶𝗿𝘂 𝟮𝟬𝟮𝟲

Ministériu Edukasaun (ME) kontinua kolokasaun ba Professor/a destakadu hamutuk 47 mai iha Munisípiu Lautém hodi priense no kompleta ba fatin ne’ebe seidauk iha Professor/a sira atu nune’e bele hanorin estudante sira ho materia ne’ebe diferensia, tamba ida ne’e mai iha Administrasaun Autoridade Munisipál Lautém atu aprezenta an ba 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém hafoin ba kada eskola ne’ebé koloka ona, sorumutu aprezenta an iha Salaun Administrasaun Autoridade Munisipál Lautém.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, Professor/a destakadu hamutuk 47 ne’ebe Ministériu Edukasaun koloka mai iha Munisípiu Lautém iha Ensinu Sekundária no Tékniku Vokasional sira iha Munisípiu Lautém.

Nune’e, nu’udar Prezidente Autoridade Munisipál Lautém sente orgullu, tamba ME bele koloka Professor/a sira mai iha Ensinu Sekundária Jerál no Tékniku Vokasional sira ne’ebé sei menus Professor/a sira hodi bele priense no kompleta ba fatin ne’ebé sei mamuk atu nune’e bele hanorin materia ba estudante sira.

Relasiona ho Professor/a destakadu, lider másimu konsidera Ministériu Edukasaun ne’ebé koloka mai iha Munisípiu Lautém la’os sidadaun Lautem oan hotu, maibe balun mai husi Munisípiu seluk, nune’e bainhira asumi ona Funsionáriu Públiku prontu ona atu koloka ba ne’ebé de’it iha teritóriu Timor laran tomak.

Enkuantu, Ministériu Edukasaun koloka Professor/a sira mai iha destakadu iha Munisípiu Lautém hamutuk na’in 47, kompostu husi Mane 29 no Feto 18, enkuantu iha kolokasaun ne’e ba Ensinu Sekundáriu Jerál Lere Anan Timur, Ensinu Sekundáriu Jerál Nino Conis Santana, Ensinu Sekundáriu Jerál Lautém, no Ensinu Sekundáriu Jerál Fernando Lasama Luro nune’e mos kolokasaun ba Eskola Tékniku Vokasional No.2 Laico Lospalos no Eskola Tékniku Vokasional (STM) Lospalos.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)