Laivai, Sexta-Feira; 9 Janeiru 2026

Nonu Governu Konstituisionál ne’ebé lideradu husi 𝗦𝘂𝗮 𝗘𝘀𝗲𝗹é𝗻𝘀𝗶𝗮 Primeiru Ministru (PM-RDTL), 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, ohin hamutuk ho Ministru Agrikultura Peska Pekuária no Floresta, Ministru Planeamentu Investimentu no Estratéjiku, membru Governu sira, membru Parlamentu Nasionál, Xefe Estadu Maiór Jenerál Forsa Defesa Timor-Leste (F-FDTL), Tenente Jenerál Reformadu ofisialmente hala’o inagurasaun Irrigasaun Laivai ne’ebé responsavel husi Konsultan Jenetbi Gumer.Lda JV, PT Wahana ADYA Indonezia no Contractor CICO Cina ho Orsamentu hamutuk $9, 361, 964.36, ne’ebé hala’o iha Bairo Taleta, Suku Ililai, Postu Administrativu Lautém, Munisípiu Lautém.

Iha intevensaun 𝗦𝘂𝗮.𝗘𝘀𝗲𝗹é𝗻𝘀𝗶𝗮 Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, lori Povu Munisípiu Lautém nia naran agradese ba Nonu Governu Konstituisionál ne’ebé lidera husi 𝗦𝘂𝗮 𝗘𝘀𝗲𝗹é𝗻𝘀𝗶𝗮 Primeiru Ministru (PM-RDTL) Kay Rala Xanana Gusmão hamutuk ho Ministru Agrikultura Peska Pekuária no Floresta, Ministru Planeamentu Investimentu Estratéjiku bele konstrui obra sistema Esquema Irigasaun Laivai ne’ebé lokaliza iha Suku Ililai.

Nia dehan, Irigasaun Laivai ne’e sei fornese Be ba Natar kuaze 500 Hektares, nune’e komunidade sira durante ne’e abandona iha tinan barak nia laran. Aleinde ne’e mós Prezidente Autoridade Munisipál Lautém aprejenta katak iha Irigasaun tradisionál hamutuk 61 ne’ebé daudaun ne’e komunidade sira utiliza hodi kuda hare iha tempu udan, nune’e mós Irigasaun modernu nian mak foi rua hanesan Irigasaun Laivai no Irigasaun Irabere ne’ebé faze konstrusaun.

Lider másimu iha Munisípiu Lautém enkoraja ba Autoridade Postu no Suku atu motiva no dudu nafatin komunidade sira hodi tama natar nune’e bele halai natar hodi hasa’e produsaun alimentar iha Munisípiu Lautém. Tamba ida ne’e Prezidente Autoridade Munisipál Lautém solisita ba komunidade sira iha Suku Ililai ati asegura no koidadu nafatin konstrusaun ho ninia ekipamentu tomák hodi nune’e bele lori tempu naruk.

Iha fatin hanesan, 𝗦𝘂𝗮.𝗘𝘀𝗲𝗹é𝗻𝘀𝗶𝗮 Primeiru Ministru (PM-RDTL) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼 husu ba Autoridade Postu Administrativu, Suku no Aldeia katak obra ida ne’e iha ona imi nia responsabilidade tomak ho ida ne’e hau Husu ba komunidade sira atu tama natar laran hodi kuda hare hodi produs haree atu nune’e bele hasa’e produsaun alimentar iha imi nia Aldeia no suku Laran.

Iha serimónia inaugurasaun ne’e mós Ministru Agrikultura Peska Pekuária no Floresta entrega ekipamentus mekanizasaun hanesan, Trator Kubota Mediu L 5018 Unidade 2 ho nia implementa mak hanesan Rotary Unidade 2 no Tasu Carua Unidade 1, Makina Kuda Hare Unidade 1, Rak/ Bandeja Viverus fatin 600 pes no Makina Kua Hare Unidade 2 hodi fasilita grupu agrikultura sira hodi fila rai atu hasa’e produsaun Aihan.

Hafoin remata Inaugurasaun Esquema Irrigasaun Laivai, 𝗦𝘂𝗮.𝗘𝘀𝗲𝗹é𝗻𝘀𝗶𝗮 Primeiru Ministru (PM-RDTL) akompaña ho Ministru Defesa (MD) Xefe Estadu Maiór Jenerál Forsa Defesa Timor-Leste (F-FDTL) Tenente Jenerál 𝗗𝗼𝗺𝗶𝗻𝗴𝗼𝘀 𝗥𝗮ú𝗹 𝗙𝗮𝗹𝘂𝗿 𝗥𝗮𝘁𝗲 𝗟𝗮𝗲𝗸 no Tenente Jenerál Reformadu 𝗟𝗲𝗿𝗲 𝗔𝗻𝗮𝗻 𝗧𝗶𝗺𝘂𝗿 (LAT) lansa fila natar iha Laivai.

𝙍𝙚𝙢𝙖𝙩𝙖 𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢