𝐃í𝐥𝐢, 𝐊𝐢𝐧𝐭𝐚-𝐟𝐞𝐢𝐫𝐚, 𝟓 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

𝐒𝐮𝐚. 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, partisipa Komferensia Internasional Geociensia ba da-6 ba futuru desenvolvimento Timor Leste nian, ne’ebé organiza husi Instituto de Geociências de Timor-Leste (IGTL) durante loron rua hahú iha loron 5 to’o 6 fulan Fevereiru 2026, ne’ebé hala’o iha Salaun Multiuso GMN Bebora, Díli.

Konferénsia Internasionál Jeosiénsia ne’e ofisialmente halo abertura husi 𝐒𝐮𝐚. 𝐄𝐬𝐞𝐥é𝐧𝐬𝐢𝐚, Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨.

Objetivu hosi Konferénsia ne’e atu fó espasu bá partilla peskiza sientífika, habelar kooperasaun internasionál, apoia dezenvolvimentu sustenável Timor-Leste, fó kontribuisaun bá polítika públika kona-bá ambiente no rekursu naturál.

Partisipa iha Konferénsia Internasionál ne’e mai-hosi parseiru sira iha nível nasionál mak hanesan Timor-GAP, ANP, ANM, MRT, no MoP, IGTL fornese dadus, asisténsia téknika, no kolabora iha projetu sira ne’ebé dudu inovasaun no troka koñesimentu iha Timor-Leste nia laran.

Iha mós partisipasaun hosi parseiru prinsipál IGTL nian hosi nível rejionál no internasionál mak hanesan Geoscience Australia, JICA, NRF (National Research Foundation of Korea, Schlumberger Ltd., Universidade de Coimbra, Departamento De Ciências Da Terra, UNIVERSIDADE UPPSALA, Universidade Nasionál Austrália, UWA, UTAD, ITB, Muzeu Naturál BMKG, no LNEG hodi dudu inovasaun no troka koñesimentu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢