𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟏 𝐌𝐚𝐫𝐬𝐮 𝟐𝟎𝟐𝟔

𝐒𝐮𝐚 𝐄𝐱𝐞𝐥é𝐧𝐬𝐢𝐚, Vise-Ministru Administrasaun Estatal, (V-MAE) 𝐒𝐫. 𝐉𝐚𝐜𝐢𝐧𝐭𝐨 𝐑𝐢𝐠𝐨𝐛𝐞𝐫𝐭𝐨 𝐆𝐨𝐦𝐞𝐬 𝐝𝐞 𝐃𝐞𝐮𝐬 lidera enkontru ho Autoridade Munisipál Lautém, relasiona ho aprezentasaun ba preparasaun programa kona-ba Servisu husi Autoridade Munisipál Lautém, ne’ebé aprezenta direta husi 𝐒𝐮𝐚 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, ba 𝐒𝐮𝐚 𝐄𝐱𝐞𝐥é𝐧𝐬𝐢𝐚, Vise-Ministru Administrasaun Estatal, ne’ebé hala’o iha Salaun Administrasaun Autoridade Munisipál Lautém.

Iha intervensaun 𝐒𝐮𝐚 𝐄𝐱𝐞𝐥é𝐧𝐬𝐢𝐚, Vise-Ministru Administrasaun (V-MAE), 𝐒𝐫. 𝐉𝐚𝐜𝐢𝐧𝐭𝐨 𝐑𝐢𝐠𝐨𝐛𝐞𝐫𝐭𝐨 𝐆𝐨𝐦𝐞𝐬 𝐝𝐞 𝐃𝐞𝐮𝐬 hateten katak, enkontru ida ne’e atu hala’o preparasaun ba vizita 𝐒𝐮𝐚 𝐄𝐱𝐞𝐥é𝐧𝐬𝐢𝐚, Primeiru Ministru (PM) nian ne’ebé atu mai iha Munisípiu Lautém hodi hala’o diálogu relasiona ho desentralizasaun poder lokál nian.

Governante ne’e apresia ba Autoridade Munisipál Lautém, tanba entre 12 Munisípiu hahu husi rai ulun, ne’ebé hatudu rezultadu ne’ebé diak ho kategoria Muito Bom, maibe rezultadu ida ne’e seidauk iha fator hodi deside Munisípiu Lautém atu la’o uluk ba Eleisaun Direta ba Poder Lokál, maibe liu husi vizita ofisial husi 𝐒𝐮𝐚 𝐄𝐱𝐞𝐥é𝐧𝐬𝐢𝐚, Primeiru Ministru (PM) nian mai iha Munisípiu Lautém, atu haree direta, rona Direta, kompara direta, ba rezultadu ne’ebé hetan ona liu husi ekipa avaliasaun kondisaun minimu mai iha tinan kotuk.

Iha sorin seluk 𝐒𝐮𝐚 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 informa katak 𝐒𝐮𝐚 𝐄𝐱𝐞𝐥é𝐧𝐬𝐢𝐚, S.E. Vise-Ministru Administrasaun Estatal halao vizita ofisiál mai iha Munisípiu Lautém nu’udar ekipa avansado hodi halo koordenasaun no instrusaun hodi preparasaun ba Vizita 𝐒𝐮𝐚 𝐄𝐱𝐞𝐥é𝐧𝐬𝐢𝐚, Primeiru Ministru nian hodi halo diálogu ho autoridade Munisípiu Lautém ne’ebé sei realiza iha loron 16 Marsu iha Munisípiu Lautém, relasiona hotu preparasaun ho Munisípiu Lautém ba iha desentralizasaun podér lokál.

Prezidente Autoridade Orienta katak husu ba Diretor Servisu Munisipál, Administrador Postu Administrativu, Diretor/a Delegasaun Teritorial no Membru Konsellu Koordenasaun Munisipál (KKM) no Membru Konsellu Konsultivu Munisipál (KKM) Sosiedade Sivil, Relijiozu/a, Konsellu Suku na’in 4, Xefe Departamentu Funsionariu sira Ema ho Defisiensia sira, Feto Potensial sira iha Munisípiu Lautém, Setor Privadu sira, Camara Comersial Industria Timor-Leste (CCITL) Munisípiu Lautém, Conselho Munisipál Combatente Libertasaun Nasionál (CMCLN) Munisípiu Lautém, atu diálogu ne’ebé sei realiza iha loron 16 Marsu.

Iha biban ne’e Prezidente Autoridade afirma, matéria ne’ebé sei aprezenta liu husi Slide, ne’ebé sei kontinua aprezenta iha diálogu, tanba Munisípiu Lautém pasa ona iha avaliasaun kondisaun mínimu ne’ebé kategoria Muito Bom bazeia ba ekipa avaliador sira nia avaliasaun pre-liminaria ne’ebé hala’o iha tinan kotuk, tanba ida ne’e mak Prezidente Autoridade husu Kargu Xefia sira títulu ne’ebé maka fó ba Avaliasaun Kondisaun Minimu ho rezultadu Muito Bom presiza hamutuk unidu hodi koordena ba malu lori prosesu ne’e ba oin.

Hafoin remata enkontru, 𝐒𝐮𝐚 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém, hamutuk ho 𝐒𝐮𝐚 𝐄𝐱𝐞𝐥é𝐧𝐬𝐢𝐚, Vise-Ministru Administrasaun Estatal ho ekipa nasional no Diretor Servisu Munisipál no Delegasaun Teritorial sira observasaun Edifísiu Diresaun Nasionál Transporte no Terestre (DNTT) Munisípiu Lautém, Edifisiu fatin Balkaun Uniku (BU) ne’ebe Autoridade Munisípiu tau planu atu inaugura ba iha vizita 𝐒𝐮𝐚 𝐄𝐱𝐞𝐥é𝐧𝐬𝐢𝐚, Primeiru Ministru (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, nune’e mos observa fatin Diálogu ne’ebé 𝐒𝐮𝐚 𝐄𝐱𝐞𝐥é𝐧𝐬𝐢𝐚,, Vise-Ministru Administrasaun Estatal deside iha Salaun GOR Lospalos, ne’ebé hala’o iha loron 16 Marsu 2026.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢