𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟏𝟑 𝐌𝐚𝐫𝐬𝐮 𝟐𝟎𝟐𝟔

IOM Timor-Leste hala’o sosializasaun kona-ba Lei Anti-Tráfiku ba Autoridade Munisípiu, Postu no Suku sira, ne’ebé liga ho komunidade sira inklui atu proteje ema ho vulneravel sira, sosializasaun ne’e abertura husi reprezentante Prezidente Autoridade Munisipál Lautém, Sekretáriu Munisipál Administrasaun no Finansas, hala’o iha Salaun Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Administrasaun no Finansas 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 hatete, Tráfiku Umanu (TU) sai hanesan problema mundiál, ne’ebé hanesan Timor-Leste foin ukun an, iha oportunidade ba ema sira ne’ebé iha kapasidade oinsá bele halo tráfiku umanu, liuliu Munisipiu sira ne’ebé maka hanesan iha fronteira mak Munisípiu Bobonaro, RAEOA, Covalima, ne’ebé bele akontese tráfiku umanu iha fronteira.

Nune’e sosializasaun sira hanesan ne’e presiza konvida Polísia Nasionál Timor-Leste (PNTL) Munisípiu Lautém, atu nune’e bele intende didi’ak liuliu ba iha Fronteira Marítima sira, ho ida ne’e Autoridade Munisipál Lautém, liuliu ba Diresaun Xefia sira atu hatene situasaun sira ne’e bele konsentrasaun didi’ak, oinsá bele tranzmite informasaun sira ne’e ba ema sira ne’ebé Vulneravel sira, tanba sira menus husi informasaun kona-ba Tráfiku Umanu (TU).

Tanba ida ne’e aproveita oportunidade ida ne’e partisipante ho másimu, atu bele rona informasaun ne’ebé klaru liu husi aprezentasaun nune’e bele lori informasaun sira ne’e hodi tranzmite tuir ba komunidade sira ne’ebé nunka rona Tráfiku Umanu.

Iha sorin seluk, Programme Officer IOM Timor-Leste, 𝗔𝘆𝘂 𝗛𝗮𝗻𝗻𝗮𝗵 𝗭𝗮𝗶𝗺𝗮𝗵 hatutan, sosializasaun ida ne’e parte ida husi projetu hanaran “Analiza Situasaun Hodi Atende Risku Protesaun no Hametin Mekanizmu Protesaun iha Timor-Leste” ne’ebé finansia husi IOM Development Fun.

Husi projetu ida ne’e, tinan kotuk ekipa IOM hala’o ona peskiza kona-ba risku protesaun iha relasaun no tráfiku umanu, agora dadaun ami hala’o desiminasaun no sosializasaun iha Munisípiu 4 hanesan RAEOA, Covalima, Bobonaro no Lautém.

Enkuantu Sosializasaun ne’e sei aprezenta materia husi 𝗦𝗿. 𝗝𝗮𝗰𝗶𝗻𝘁𝗼 𝗔𝗺𝗮𝗿𝗮𝗹 kona-ba Migrasaun Diaspora no Remea, nune’e mos Komandante Operasional ba Investigasaun Kriminal Nasionál nomos membru KLATU ba Superintendente Asistensia 𝗠𝗼𝘂𝘇𝗶𝗻𝗵𝗼 𝗧. 𝗖𝗼𝗿𝗲𝗶𝗮 , ne’ebé aprezenta materia kona-ba Tráfiku Umanu Sibernetiga Seguransa Online Scame.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢