𝐋𝐚𝐢𝐯𝐚𝐢, 𝐊𝐢𝐧𝐭𝐚-𝐟𝐞𝐢𝐫𝐚, 𝟓 𝐌𝐚𝐫𝐬𝐮 𝟐𝟎𝟐𝟔

𝐒𝐮𝐚 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém hamutuk ho 𝐒𝐮𝐚 𝐄𝐱𝐞𝐥é𝐧𝐬𝐢𝐚, Ministru Agrikultura Peska Pekuária no Floresta hala’o lansamentu Kuda Hare ho Viriedade Nakroma Rise Transplanter Machine nomos iha lansamentu ne’e entrega mós Hand Traktor hamutuk unidade 10 ba Agrikultór sira iha Suku Ililai, Postu Administrativu Lautém, Munisípiu Lautém.

Iha Intevensaun 𝐒𝐮𝐚 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, sente orgullu ne’ebé ho apoiu husi Ministériu Agrikultura Peska Pekuária no Floresta halo planu hodi realiza lansamentu kuda hare nian, atu hasa’e produsaun alimentar liuliu ba Hare Fos iha Munisípiu Lautém.

Responsavel iha Munisípiu Lautém husu ba agrikultór sira liuliu iha Suku Ililai no Euquise ne’ebé hamutuk 30 Agrikultor de’it mak halai natar, husi ne’e seida’uk sufisiente hodi halai hotu natar 500 hektare, tanba ida ne’e Prezidente Autoridade Munisipál Lautém husu ba agrikultór sira laiha ona kbit no forsa atu kultiva hotu natar 500 Hektare, mak buka dalan atu koordena hamutuk ho setór privadu sira atu nune’e bele kultiva hotu ba natar sira ne’ebé sei abandona.

Tanba ida ne’e Prezidente Autoridade Munisipál Lautém husu ba Xefe Suku Ililai no Euquise halo koordena ho Agrikultór sira nafatin kontinua servisu ba natar ne’ebé dadaun ne’e iha ona, tanba Governu liu husi Ministériu Agrikultura Peska Pekuária no Floresta fasilita Be ho sistema Irigasaun modernu atu nune’e bele hasa’e Seguransa Alimentar iha Munisípiu Lautém, nune’e iha futuru bele redus sosa fos husi rai liur, maibe husi Laivai, Luro no Iliomar bele iha ona Seguransa Alimentar ne’ebé di’ak, atu fornese Fos ba iha Munisípiu Lautém, tanba ita hotu hatene Programa Merenda Eskolár presiza tebes ba produtu lokál.

Tanba ida ne’e Prezidente Autoridade Munisipál Lautém fanu nafatin ba Agrikultor sira katak, tinan ne’e Orsamentu ba Programa Merenda Eskolar mai iha Munisípiu Lautém hamutuk milaun $1 resin, ho ida ne’e Agrikultór sira tenke tama toos no natar hodi kuda produtu lokál atu nune’e osan nafatin sirkula iha Munisípiu Lautém.

Enkuantu natar Laivai hamutuk 500 Hektare, ne’ebé daudaun ne’e Agrikultor sira halai ona 70 Hektare hodi kuda hare no 430 Hekrare sei iha prosesu halo kabubu ba faze kuda hare nian.

Hafoin remata lansamentu iha mos diskusaun no diálogu entre Prezidente Autoridade Munisipál Lautém hamutuk ho Ministru Agrikultura Peska Pekuária no Floresta ba Agrikultór sira kona-ba Setór Agrikultura nian.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢