Lospalos, Domingo, 15 Marsu 2026

Sua Exelénsia Primeiru Ministru (PM-RDTL) Kay Rala Xanana Gusmão akompaña ho Sua Exelénsia Prezidente Autoridade Munisipál Lautém, membru Governu no Membru Parlamentu Nasionál, Jenerál Lere Anan Timur, Major Jenerál João Miranda ” Aluc Descartes”, Major Jenerál Cornélio Ximenes “Mau Nana” no entidade Lautém oan sira hala’o enseramentu ba Jogu Taça Rotativa Avo segundu epoka tinan 2025, ne’ebé jogu futeból refere hahu nia abertura husi S.E. Ministru MAE iha fulan Outubro tinan kotuk, iha Kampu Futeball Munisípiu Lautém.

Hafoin remata Jogu, Sua Exelénsia Primeiru Ministru (PM-RDTL) Kay Rala Xanana Gusmão halo intervensaun hodi fo parabeniza ba Komisaun Organizadora ba Jogu Taça Rotativa Avo Nana nian iha Munisípiu Lautém, ne’ebé bele promove Deportu iha Komunidade sira nia let, hodi bele kria amizade no fraternidade atu bele kunese malu no harii karakter ne’ebé diak ba Timor oan sira liuliu iha Munisípiu Lautém.

Primeiru Ministru mos agradese tebes ba emprezariu sira ne’ebé hatudu responsabilidade ba sosial nian, hodi apoiu Jogu ida ne’e too final, tanba desportu mak bele halibur komunidade sira barak, liuliu iha Postu Administrativu sira bele kria Kampu Multi Funsaun hodi hala’o Desportu Komunitária hodi halibur komunidade sira. Ho nune’e Primeiru Ministru fiar Komisaun Organizadora sei lori Desportu ba iha Komunidade nia let halibur joven sira, hadia sira nia karakter hametin domin no damen tanba deportu lakon no manan la’os problema.

Enkuantu Jogu Taça Rotativa Avo Nana ba Segundu Epoka ba tinan 2025, Glubu hamutuk 43 ba Futebol, Futsal Feto hamutuk 17, volibol mane hamutuk 6, Feto Volibol hamutuk 5, ba enseramentu Jogu Taxa Avo Nana husi Glubu Solamor VS Lereloho no futsal husi Feto Glubu Sawarica ho Sporting.

Nune’e Klubu ne’ebé tama iha finalidade no sai kampiaun ka mana-na’in sira iha kopa Avo Nana 2025 ne’e kompostu husi modalidade futsal feto primeiru lugar husi Sawarica FC, Segundu lugar Sporting FC, Treseiru lugar Fitun Lorosa’e no kuartu lugar Belta Três FC.

Modalidade volly-bola feto primeiru lugar Fitun Lorosa’e, segundu lugar Nakroman, Treseiru lugar Edukasaun, enkuantu mane primeiru lugar Ocho Cao, segundu lugar Portu Com no Treseiru lugar Makalero, nune’e mós modalidade Futebola mane, primeiru lugar Lereloho, segundu lugar Solamor “Ba”, treseiru lugar Buradu no kuartu lugar Boca Junior.

Média PAM-Lautém