𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟒 𝐌𝐚𝐢𝐮 𝟐𝟎𝟐𝟔

Ministériu Finansas (MF) liu husi Diresaun Jerál Planeamentu no Orsamentu realiza atividade “𝙆𝙊𝙉𝙎𝙐𝙇𝙏𝘼 𝙎𝙄𝘿𝘼𝘿𝘼𝙐𝙉” ne’ebé envolve husi linas Ministériais sira hanesan, Ministériu Administrasaun Estatal (MAE), Ministériu Saúde (MS) Ministériu Edukasaun (ME) Ministériu Agrikultura, Pekuária, Peska no Floresta (MAPPF) Ministériu Obras Públika inklui EDTL, E.P no BTL, E.P, Ministériu Soliedaride Sosíal no Inkluzaun (MSSI), no Ministériu Turismu no Ambiente (MTA), atividade Konsulta Sidadania abertura husi Sua.Eselénsia, Prezidente Autoridade Munisipál Lautém, hala’o iha Salaun Administrasaun Autoridade Munisipál Lautém.

Atividade “𝙆𝙊𝙉𝙎𝙐𝙇𝙏𝘼 𝙎𝙄𝘿𝘼𝘿𝘼𝙐𝙉” ho objetivu mak atu haforsa partisipasaun sidadaun sira nian oinsá atu halibur hanoin no opiniaun husi sidadaun sira kona-ba preparasaun Orsamentu Jerál Estadu (OJE) 2027, atividade ba sorumutu “𝙆𝙊𝙉𝙎𝙐𝙇𝙏𝘼 𝙎𝙄𝘿𝘼𝘿𝘼𝙐𝙉” ne’e atu promove partisipasaun sidadania iha prosesu Planeamentu Orsamentu tinan 2027, liu husi identifikasaun no diskusaun kona-ba área prioridade sira ne’ebé importante ba dezenvolvimentu nasionál.

Ho atividade ida ne’e, Nonu Governu Konstituisional espera atu asegura ba sidadania nia lian inklui iha desizaun estratéjiku sira, atu kria polítika no programa ne’ebé responde di’ak liu ba nesesidade povu nian, nune’e mós identifika nesesidade prioritariu ne’ebé rona direta husi Autoridade Postu no Lider Komunitária sira kona-ba problema emerjénsia sira iha área mak infraestrutura Báziku, Be Moos, Estrada, Saúde no Edukasaun.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten ba partisipante sira hotu “𝙆𝙊𝙉𝙎𝙐𝙇𝙏𝘼 𝙎𝙄𝘿𝘼𝘿𝘼𝙐𝙉” ida ne’e importante tebes, tanba sei halo diskusaun kona-ba área sira ne’ebé komunidade sira enfrenta iha terenu liuliu ba Xefe Suku tanba kalendáriu hala’o ona, no Xefe Suku sira submete ona programa no planu ne’ebé deside iha reuniaun nivel ASPA, ho ida ne’e Autoridade Munisipál Lautém rekoñese ba prioridade sira ne’ebé Xefe Suku sira deside iha nivel Aldeia no Suku no iha nivel ASPA maka sai prioridade no nesesidade báziku ba komunidade sira nian.

Tanba ida ne’e husu ba partisipante sira hotu, atu atensaun másimu fó prioridade liu mak setór agrikultura sira, ne’ebé atu identifika irrigasaun tradisionál, hanesan Maina 1, Postu Luro Serelau, Postu Iliomar no fatin sira seluk, hodi tau prioridade ba diskusaun ba ajenda lokraik nian, oinsá atu identifika nesesidade komunidade sira nian iha baze.

Iha fatin hanesan, Xefe Diresaun Jerál Planeamentu no Orsamentu iha Ministériu Finansas Sr. Jose Fatima hatutan, konsulta sidadania ba orsamentu jerál estadu 2027 atu hafasil partisipasaun publika iha prosesu planeamentu hodi garante orsamentu ne’ebé prepara ona reflete duni nesesidade reál komunidade sira nian.

Enkuantu sesaun lokraik nian, ekipa husi Ministériu Finansas hamutuk ho Ajensia PARTISIPA fahe kedas partisipante sira atu kria ba grupu 4

Grupu primeiru mak Dezenvolvimentu kapitál sosiál mak hanesan Setor Edukasaun, Setor Saúde, Setor inkluzaun Sosial, Ambiente, Kultura no Patrimoniu

Kapitál Dezenvolvimentu Infraestrutura, mak hanesan Setor Bee Moos, Eletrisidade, Infraestrutura, Transporte no Teknolojia Informasaun no Komunikasaun.

Grupu datoluk mak sei identifika iha Kapital Dezenvolvimentu Ekonómiku mak hanesan Agrikultura, Turismu, Setor Privadu, Empregu no Petróleu.

Grupu da haat mak sei identifika iha capital Governasaun no Servisu Públiku ne’ebé fahe nia klasifikasaun sira maka administrasaun públiku, justisa prestasaun servisu, transparénsia no desentralizasaun.

Atividade Konsulta Sidadaun ne’e, marka prezensa husi, Ekipa Nasionál husi Diresaun Jerál Planeamentu no Orsamentu iha Ministériu Finansas, Sua.Eselensia, Prezidente Autoridade Munisipál Lautém, Sekretáriu Munisipál Administrasaun no Finansas, Sekretáriu Munisipál Planeamentu Investimentu Dezenvolvimentu no Integradu (PIDI), reprezentante Consellu Munisipál Kombatentes Libertasaun Nasionál Munisípiu Lautém (CMCLN) Munisípiu Lautém, Administrador Postu sira, Xefe Suku sira nu’udar membru Konsellu Konsultivu Munisipál (KKM), Diretor/a Servisu Munisipál no Diretor/a Delegasaun Teritorial nu’udar membru Konsellu Koordenasaun Munisipál (KKM), reprezentante partidu polítiku, reprezentante sosiedade sivíl.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢