𝐈𝐫𝐚𝐝𝐚𝐫𝐚𝐭𝐞, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟑 𝐉𝐮ñ𝐮 𝟐𝟎𝟐𝟔

Iha âmbitu komemorasaun Loron Nasional Tasi (5 de Junho) no Loron Mundial Oseanu (8 de Junho), reprezentante Prezidente Autoridade Munisipál Lautém, Sekretáriu Munisipál Assuntu Sosiais no Organizasaun Komunitária akompaña ho reprezentante Ministériu Petroleo no Rekursu Minerais (MPRM) Administradór Postu Iliomar, Komandante Eskuadra Postu Iliomar, Xefe Gabinete Prezidente Autoridade Munisipál Lautém, Diretor/a Servisu Munisipál, Diretór/a Delegasaun Territorial akompaña ho komunidade no estudante sira nafatin kontinua hala’o limpeza iha Tasi-ibun Iradarate, Suku Iliomar 2°, Postu Administrativu Iliomar, Munisípiu Lautém.

Objetivu ba atividade limpeza iha Tasi-ibun hodi proteje no prezervasaun tasi no biodiversidade nomos promove Ekonómia Azul, hodi garante futuru ne’ebé sustentável. “𝙃𝘼’𝙐 𝙉𝙄𝘼 𝙏𝘼𝙎𝙄, 𝙃𝘼’𝙐 𝙉𝙄𝘼 𝙏𝙄𝙈𝙊𝙍”.

Iha intervensaun, Sekretáriu Munisipál Assuntu Sosiais no Organizasaun Komunitária 𝐒𝐫 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬 hateten, atividade limpeza tasi-ibun sira hodi Komemora Loron Nasionál Tasi ne’ebé sei hala’o iha loron 5 Juñu no Komemora Loron Mundiál Oceano sei hala’o iha loron 8 Juñu 2026.

Sekretáriu Munisipál Assuntu Sosiais no Organizasaun Komunitária salienta liu tan Autoridade Munisipál orgullu tanba bele organiza atividade ida ne’e, ne’ebé hahú iha loron 30 Maiu ho abertura feira Munisipál hodi komemora loron nasionál Oceano no loron Mundiál Oceano.

Nia esplika, atividade limpeza tasi-ibun nian oinsá atu motiva jerasaun sira tuir mai, atu nune’e bele nafatin hadomi ambiente, liuliu iha tasi-ibun sira, tanba bainhira tasi-ibun sira mos nafatin bele atrai turista Lokál, Nasionál no Internasional sira.

Tanba ida ne’e mak kada tinan Governu sentral liu husi Governu lokál nafatin hala’o atividade limpeza tasi-ibun sira, hodi selebra loron nasional Tasi iha loron 5 Juñu no loron Mundiál Oceano iha loron 8 Juñu 2026.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢