Lospalos, Sexta-feira, 5 Juñu 2026

Autoridade Munisipál Lautém liu husi Komisaun Organizadora (K.O) ba loron nasionais sira iha Munisípiu Lautém hala’o atividade sira hanesan dansa kulturál sira ne’ebé envolve husi Grupu sira husi kada Postu no pintura relasiona ho tasi nian husi ne’e nafatin konsidera tasi iha Munisípiu Lautém.

Iha intervista, 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten, selebrasaun loron nasionál Tasi 5 Juñu 2026, Munisípiu Lautém selebra ho atividade oioin hanesan desfile la’o ain, jogu amigavel, dansa kultural, pintura no sertame, atu selebra loron nasional Tasi iha Munisípiu Lautém.

Responsavel Munisípiu Lautém dehan, atividade kulturál ida ne’e oinsá atu promove identidade kulturál Munisípiu Lautém nian ba jerasaun foun sira iha âmbitu komemorasaun loron nasionais tasi nian, durante sira aprezenta bazeia ba kulturál tasi nian.

Tanba ida ne’e selebrasaun loron nasionál Tasi nian ne’e Komisaun Organizadora konvida kada Postu Administrativu ne’ebé mai ho Grupu kulturál nian hodi aprezenta iha kompetisaun dansa kulturál ne’ebé tema bazeia ba tasi nian.

Relasiona ho dansa kulturál nian iha Munisípiu Lautém, Exelénsia Prezidente Autoridade Munisipál Lautém esplika, daudaun ne’e Autoridade Munisipál Lautém servisu hamutuk ho Ministériu Juventude Desportu Arte no Kultura, ne’ebe rehabilita ona Edifísiu Sentru Kulturál Lospalos ne’ebé fatin ida hodi promove kulturál Munisípiu nian iha Munisípiu Lautém, nune’e partisipa kompetisaun dansa kulturál nian iha nasionál.

Kompetisaun pinturas konservasaun tasi ne’ebé sei partisipa estudante sira husi Ensinu Baziku husi Postu, Lautém, Lospalos, Lore, Tutuala, Luro no Iliomar. Aleinde ne’e mós Exelénsia Prezidente Autoridade Munisipál Lautém entrega lembransa ba Glube U 40 entre Muacau ho Legen Moko no Legen Baucau ho Rusa Fuik.

Enkuantu dansa kulturál ne’ebé partisipa kompetisaun dansa kulturál mai husi Grupu Postu Administrativu Tutuala ho nia titlu meci, Eskola Sekundária Jerál Dom Bosco Fuiloro ho nia titlu Cele Cuku, Grupu Icikelu, Grupu husi Eskola Sekundária Jerál Nino Conis Santana ho nia titlu Timor Afihini, Grupu husi Administrativu Postu Iliomar ho titlu Sama Bule Tasi no Eskola Sekundária Jerál Lere Anan Timur Lospalos.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢