𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟐𝟐 𝐉𝐮𝐧𝐮 𝟐𝟎𝟐𝟔

Universidade da Paz (UNPAZ), realiza semináriu kona-ba Programa Estajiu Instituisional (PEI) ne’ebé durante estudante sira hala’o atividade Prátika Aprendizajen Kampu (PAK) iha Aldeia no Suku sira iha Munisípiu Lautém, semináriu ne’e oinsa estudante sira bele fahe esperiénsia, rezultadu aprendizajen no kontribuisaun ne’ebé sira halo durante implementasaun programa iha komunidade sira semináriu ne’e hala’o iha GOR Lospalos.

Iha intervensaun reprezentante Prezidente Autoridade Munisipál Lautém 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬 hateten estudante sira ne’ebé halo atividade estájiu ida ne’e sei iha prosesu aprendizajen ida oinsá estudante sira aprende teoria maibé mós tenke aprende prátika, atu nune’e futuru bele aplika mesak iha kada estudante sira matenek.

Tanba ida ne’e reprezentante Prezidente Autoridade Munisipál Lautém husu ba estudante sira hotu, labele baruk atu aprende no estuda tanba futuru nasaun no Povu destinu sei iha jerasaun sira tuir nia liman hodi dezenvolve nasaun ida ne’e.

Semináriu ida ne’e oinsá atu reforsa komitmentu Universidade nian atu kontinua promove edukasaun ne’ebé liga direta ho realidade no nesesidade sosiedade nian.

Tanba ida ne’e semináriu ida ne’e ba Programa Estájiu Institusionál (PEI) ba tinan akadémiku 2026, nune’e mós semináriu ida-ne’e hodi estudante sira aprezenta no avalia rezultadu husi Programa Prátika Aprendizajen Kampo (PAK) objetivu atu fó oportunidade ba estudante sira atu fahe esperiénsia, rezultadu servisu no kontribuisaun ne’ebé sira halo durante implementasaun programa iha komunidade sira.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢