𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟖 𝐉𝐮ñ𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém, reprezentante Ministru Turísmu no Ambiente 𝐒𝐫. 𝐕𝐢𝐫𝐠𝐢𝐥𝐢𝐨 𝐒𝐦𝐢𝐭𝐡, reprezentante Ministru Petroleu no Rekursu Minerais, Komandante Polísia Nasionál Timor-Leste (PNTL) Munisípiu Lautém, Sekretáriu Munisipál Administrasaun no Finansas, Sekretáriu Munisipál Planeamentu Investimentu no Dezenvolvimentu Integrad, Sekretáriu Munisipál Assuntu Sosiais no Organizasaun Komunitária, Xefe Gabinete Prezidente, Administrador Postu sira, Diretor/a Servisu Munisipál no Diretor/a Delegasaun Territorial no Xefe Departamentu sira, Lider Komunitária, Xefe Aldeia, Veteranu/a, Professor/a, estudante sira no Komunidade sira hala’o selebrasaun loron Mundiál Oceano ho atividade oioin.

Atividade ne’ebé hala’o iha selebrasaun loron Mundiál Oceano mak hanesan, misa Agradesimentu ne’ebé lidera husi Pe. Venancio Fatima Freitas SDB, kontinua ho karavana ho mutivo vestuariu tasi nian, ne’ebe partisipa mai husi Postu Administrativu, Lospalos, Lautém, Luro, Lore, Tutuala no Iliomar, Estudante sira husi Eskola Sekundária Jerál Lere Anan Timur, Eskola Sekundária Jerál Nino Conis Santana, Eskola Tékniku Vokasionál No.2 Lospalos, ho sira nia kreatividade rasik, iha mós Semináriu ne’ebé lidera husi joven Embaixadór ho tópiku tolu ne’ebé aprezenta iha semináriu relasiona ho protesaun lixu impaktu plástiku ne’ebé kontribui no hahú invade ba ita-nia tasi.

Aleinde ida ne’e Autoridade Munisipál Lautém mós fahe hahán ba benefisiáriu sira ne’ebé hetan inundasaun iha Postu Administrativu Lospalos depois atividade fahe ai-han iha mós atividade diskursu públiku ne’ebé envolve husi estudante sira.

Iha intervensaun, reprezentante Ministru Turísmu no Ambiente 𝐒𝐫. 𝐕𝐢𝐫𝐠𝐢𝐥𝐢𝐨 𝐒𝐦𝐢𝐭𝐡 hateten, ohin karavana ne’e ho nia motivu ne’ebé ligadu hotu ba tasi liuliu ba biodiversidade sira ne’ebé moris iha tasi laran, karavana ida ne’e hanesan kampaña ida hodi motiva komunidade sira liuliu estudante sira oinsá atu proteje lixu sira.

Tanba ida ne’e, reprezentante Ministru Turismu no Ambiente husi Virgilio Smith dehan relasiona ho tasi, ne’e partisipasaun husi estudante sira mak tenke másimu, nune’e futuru bele kuidadu ba tasi sira iha Munisípiu Lautém.

Iha fatin hanesan, 𝐄𝐱𝐞𝐥é𝐧𝐬𝐢𝐚.Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 konvida komunidade sira hahú husi estudante no komunidade sira hotu atu bele konserva no prezerva ba biodiversidade sira ne’ebé moris iha tasi laran sai tanba Biodiversidade sira sai nu’udar Fontes investimentu ba dezenvolvimentu sustentabilidade ba ekonomia iha Timor-Leste espesiál iha Munisípiu Lautém.

Exelénsia Prezidente Autoridade Munisipál Lautém nafatin konvida Povu Lautém tomak atu bele fó nafatin importánsia ba konservasaun Biodiversidade ho konsiénsia hodi hamoos tasi-ibun sira, tanba fo’er no lixu sira ne’ebé ne’e iha tasi-ibun bele estraga biodiversidade sira iha tasi laran.

Aleinde ne’e mós Prezidente Autoridade Munisipál Lautém fó apresiasaun ba Diretor Servisu Munisipál Edukasaun Munisípiu Lautém ne’ebé organiza estudante sira partisipa iha selebrasaun loron Mundiál Oceano nian ho másimu no antuziasmu tebes.

Iha selebrasaun loron nasionál Tasi no loron mundiál oceano Autoridade Munisipál Lautém hamutuk ho komunidade sira hala’o atividade limpeza iha Tasi-ibun sira iha kosta súl, kosta norte no to’o Illa Jaco.

Iha Actividade caravana, primeiru aprezenta husi Eskola Sekundária Jerál Lere Anan Timur, Segundu Grupu husi Postu Administrativu Tutuala, Grupu Postu Administrativu Lautém, Grupu 5 husi Lospalos, Grupu Postu Administrativu Iliomar, Ensino Sekundáriu Tékniku Vokasionál No.2 Lospalos, Grupu husi Postu Administrativu Luro, Grupu husi Postu Administrativu Lore no Grupu husi Eskola Sekundária Jerál Nino Conis Santana Lospalos.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢