𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏 𝐉𝐮𝐧𝐮 𝟐𝟎𝟐𝟔

Autoridade Munisipál Lautém realiza serimónia Içar Bandeira Nasional ba semana dahuluk fulan Junu hodi hato’o respeitu ba nasaun no fó valór patriotizmu nasionalizmu ba Povu no Rai ida ne’e, serimónia Içar Bandeira Nasionál prezide husi reprezentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária ne’ebé responsavel husi Servisu Munisipál Saúde Munisípiu Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária (ASOK) 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐃𝐨𝐬 𝐒𝐚𝐧𝐭𝐨𝐬 primeiru fó agradese ba funsionáriu sira, tanba formatura tuir nia regra ne’ebé di’ak iha semana dahuluk fulan Junu nian, aleinde ne’e mós fó agradese ba responsavel serimónia Içar Bandeira Nasionál organiza Coru ne’ebé hatudu nia rezultadu di’ak.

Reprezentante Prezidente Autoridade Munisipál Lautém salienta liu tan nu’udar funsionáriu públiku bainhira serimónia Icar Bandeira Nasional ba Semana dahuluk tenke partisipa hakmatek no silénsiu atu bele fó valór patriotizmu no nasionalizmu iha nasaun RDTL.

Aleinde ne’e mós Sekretáriu Munisipál Asuntu Sosiais no Organizasaun Komunitária apresia tebes ba funsionáriu sira hotu hahú husi funsionáriu kazuais to’o funsionáriu permanente ita hotu nia esforsu ho responsabilidade ba atendimentu públiku nian mak taxa ezekusaun orsamentu trimestre segundu ba tinan ida ne’e Munisípiu Lautém mak primeiru lugár nivel nasionál ho porsentu 41 %.

Tanba ida ne’e Sekretáriu Munisipál enkoraja ba funsionáriu sira hotu mantein ho servisu no responsabilidade tomak hodi serví Povu Munisípiu Lautém tomak, atu nune’e taxa ezekusaun bele nafatin mantein iha trimestre tuir mai.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢