𝐋𝐚𝐮𝐭é𝐦, 𝐊𝐢𝐧𝐭𝐚-𝐟𝐞𝐢𝐫𝐚, 𝟒 𝐉𝐮ñ𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚Prezidente Autoridade Munisipál Lautém hamutuk ho Programa Koordenador ADRA Timor-Leste, ofisialmente inaugurasaun sistema Bee Moos ba komunidade sira hamutuk uma kain 137 iha Aldeia Soiquili, Suku Parlamentu, Postu Administrativu Lautém, Munisípiu Lautém.

Iha intervensaun, Exelénsia Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 ho Povu Munisípiu Lautém tomák nia naran hakarak agradese ba Governu Australia liu husi ne’ebé servisu hamutuk ho ADRA Timor-Leste ba programa sira ne’ebé implementa iha Munisípiu Lautém iha area kanalizasaun sistema Be Moos no iha area Hortikultura.

Responsavel Munisípiu Lautém realsa, ADRA Timor-Leste nu’udar parseiru Governu ba dezenvolvimentu nian, tanba programa Bee Moos iha Munisípiu Lautém nian hanesan planu estratéjiku Munisípiu Lautém nian nu’udar planu dezenvolvimentu Munisípiu, tanba ida ne’e Bee Moos sai hanesan preokupasaun Munisípiu Lautém nian, oinsá atu dezenvolve Bee Moos hodi fornese ba komunidade sira iha área rural.

Nia dehan, Aldeia Soikili maiória fatuk isin, maibe ajénsia ADRA bele iha planu ne’ebé di’ak hodi konsege dada sai Bee Moos bele fornese ba komunidade sira ne’ebé koopera di’ak husi Admnistrador Postu Lautém, Lider Komunitária no Komunidade ho ADRA

Tanba ida ne’e futuru garante nafatin sistema Bee Moos komunidade konsumu,

Exelénsia Prezidente Autoridade Munisipál Lautém husu ba komunidade sira iha Soiquili, labele husik animal livre hodi estraga Bee matan, nune’e mos labele tesi Ai arbiru iha Bee matan besik sira.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢