𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟑 𝐀𝐠𝐨𝐬𝐭𝐨 𝟐𝟎𝟐𝟔

Reprezentante Prezidente Autoridade Munisipál Lautém, Sekretáriu Munisipál Administrasaun no Finansas sai inspetór ba serimónia Içar Bandeira Nasionál ba Semana dahuluk fulan Agosto 2026 nian, ne’ebé responsavel husi Diresaun Servisu Bee no Saneamentu, Diresaun Servisu Munisipál Transporte no Eletrisidade de Timor-Leste (EDTL-Empreza Públika) hala’o iha resintu Administrasaun Autoridade Munisipál Lautém.

Iha intervensaun reprezentante Prezidente Autoridade Munisipál Lautém, Sekretáriu Munisipál Administrasaun no Finansas, 𝐒𝐫. 𝐙𝐞𝐟𝐞𝐫𝐢𝐧𝐨 𝐃𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚 hateten, semana ida ne’e Autoridade Munisípiu Lautém sei hetan vizita husi Governu Sentral liu husi ekipa Avaliasaun Kondisaun Minimu ba faze daruak nian, hahú iha loron 5 to’o 7 Agosto.

Tanba ida ne’e tenke servisu tuir regra no regulamentu hotu-hotu ne’ebé iha, inklui orientasaun ne’ebé kada Diresaun Servisu Munisipál no Servisu Delegasaun Teritorial ba Servisu Munisipál sira ne’ebé dokumentu no formatu seidauk priensidu, sei iha tempu ohin no aban bele prienxe nune’e bele prepara dokumentu atu nune’e ekipa sira to’o mai kada Diresaun bele fó argumentu no razaun.

Tanba ne’e husu ba Servisu Munisipál 19 Servisu Delegasaun Teritorial sira tenke hala’o servisu tuir regra no regulamentu ne’ebé estabelese, tanba ekipa sira nia prezensa iha Autoridade Munisipiu Lautem la’os atu mai verifika de’it dokumentu, maibé observa mós atitude funsionáriu sira iha terenu.

Aleinde ne’e mós reprezentante Prezidente Autoridade Munisipal Lautem esplika laiha esepsaun ba funsionáriu sira hotu hahú husi funsionáriu permanente to’o kauzais, ne’ebé utiliza transporte estadu iha loron feriadu bainhira utiliza iha orden husi servisu orientasaun ba asuntu servisu estadu nian, tanba ida ne’e orienta ba Diresaun Servisu Munisipál Patrimonio no Lijístiku no Diresaun Servisu Munisipál Rekursu Umanu identifika ba funsionáriu sira ne’ebé utiliza veikulu estadu nian tenke alista hodi halo monitór.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢