Requerimento para pedido de Licenciamento
Avizu ba populasaun Munisipiu Lautém tomak, Balkaun Úniku (BU) Munisípiu Lautém hakarak aviza ba benefisiariu Munisipiu Lautém tomak atu bele asesu ona ba atendimentu públiku ne’ebé sei hala’o iha sentru atendimentu Balkaun Úniku iha fatin Eix Edifisiu Carpintária Antigo Pi-Otcho Lospalos ka Edifisiu Edukasaun Munisipal Lautém nia kotuk.
Atendimentu públiku ne’ebé Ministério Administração Estatal (MAE) ho Ministério Justiça halo akordu hamutuk hodi halo sentru atendimentu integradu ida ne’e atu fasilita asesu sidadaun ba servisu administrativu iha fatin ida de’it, Poupa Osan no Poupa Tempu.
Provizoriamente servisu atendimentu públiku iha balkaun úniku Munisípiu Lautém mak hanesan:
- Atende Bilhete Identidade (BI) original
- Atende Certificado do Registo Criminal ou Bom Comportamento (kelakuan baik) original.
- Atende Passaporte comum
NB: Atu hatene klaru informasaun kona-ba atendimentu Balkaun Úniku (BU) nian bele hare dokumentu iha anexu
Mak ne’e de’it informasaun ne’ebe ami fo sai, ba ita hotu nia atensaun tomak ami hato’o obrigado barak.