𝐋𝐨𝐬𝐩𝐚𝐥𝐨𝐬, 𝐃𝐨𝐦𝐢𝐧𝐠𝐨, 𝟏𝟎 𝐀𝐠𝐨𝐬𝐭𝐨 𝟐𝟎𝟐𝟓

Bairo Ran Maran (RM) Central Leten Lospalos Vila, liu husi Komisaun Organizadora iha inisiativa rasik hodi Organiza Jogu Torneiu Futsal, ho Tema “𝘽𝙪𝙠𝙖 𝘼𝙢𝙞𝙯𝙖𝙙𝙚 𝙃𝙖𝙙𝙤𝙤𝙠 𝙃𝙪𝙨𝙞 𝙆𝙤𝙣𝙛𝙡𝙞𝙩𝙪” ne’ebé abertura husi Sua.Exçelénsia, Prezidente Autoridade Munisipál Lautém hala’o iha rezidensia Prezidente Autoridade Munisipál Lautém.

Objetivu husi Jogu Torneiu Futsal ne’e atu halibur foin sa’e idade ki’ik sira atu promove talentu no bele kria amizade Paz no Unidade hodi fó Ondra no Gloria ba Eroi no Martire sira atu selebra loron 30 de Agosto, Jogu Torneiu Futsal iha Glubu hamutuk 25 kompostu husi Feto 15 no Mane 10, Jogu ida ne’e hahú husi abertura sei remata iha loron 30 de Agostu 2025.

Antes abertura Jogu Torneiu Futsal, iha Intervensaun, 𝐒𝐮𝐚. 𝐄𝐱ç𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, agradese ba Bairo Ran Maran (RM), iha inisiativa organiza Jogu Torneiu Futsal ne’ebé envolve Feto no Mane idade Sub-12 hodi selebra loron Referendum 30 de Agostu Konsulta Popular.

Tanba ida ne’e, nu’udar Prezidente Autoridade Munisipál Lautém husu ba Ekipa Ran Maran (RM) atu kontinua inisiativa sira ne’e hodi apoiu nafatin Governu lokál to’o iha Postu no Suku hodi bele kria amizade fraternidade hodi hakook husi konflitu.

Nune’e Prezidente Autoridade Munisipál Lautém enkoraja ba Glubu jogador sira jogu ida ne’e motiva jogador sira hodi hatudu talentu liuliu ba iha jogu Futsal nian, atu nune’e iha futuru bele hetan oportunidade iha nasionál. Prezidente Autoridade Munisipál Lautém husu ba jogador sira, bainhira iha jogu laran mak buat ruma akontese bele rezolve ho Komisaun Organizadora, atu nune’e jogu ida ne’e bele kontinua to’o loron 30 Agosto, hodi selebra loron Konsulta Popular ba tinan ida ne’e ho susesu.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢