𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟏𝟓 𝐀𝐠𝐨𝐬𝐭𝐨 𝟐𝟎𝟐𝟓.

Autoridade Munisipál Lautém, liu husi Komisaun Organizadora ne’ebé servisu hamutuk ho Seksaun Kompetisaun, organiza atividade kompetisaun, iha ne’ebé halibur kada eskola ba Estudante sira husi Ensinu Báziku, atu bele tuir kompetisaun Sertame no Poezia hodi valoriza nafatin Historia Timor-Leste nian ne’ebé ho títulu Historia Rezistensia Timor-Leste, atu komemora loron 20 de Agosto tinan 50 ezisténsia FALINTIL nian iha Munisípiu Lautém.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente AUtoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, kompetisaun ida ne’e la’os atu compete ho premiu, maibe valoriza Historia Rezistensia nian, ho nune’e tenke envolve estudante sira iha nivel Ensinu Báziku, atu nune’e sira bele aumenta sira nia koñesimentu ba Historia Rezistensia nian, tanba estudante barak mak ladún iha koñesimentu kle’an ba Historia Rezistensia Timor-Leste nian, maibé liu husi atividade sira ne’e bele aumenta sira nia koñesimentu iha futuru, tanba ne’e, Prezidente Autoridade Munisipál Lautém husu ba Seksaun Kompetisaun, perguntas sira tenke ho Historia Rezistensia nian.

Tanba ida ne’e, halo atividade Kompetisaun Sertame no Poezia ida ne’e, prioridade liu mak ko’alia kona-ba Rezistensia Nasional, úniku iha Munisípiu Lautém harii rejiaun Um Ponta-Leste Sileiru da Nasaun, tanba durante luta tinan 24 nia laran Povu Munisípiu Lautém, oferese ema buat barak, hanesan, Matenek, Material atu distribui ba rejiaun sira seluk hodi kontinua funu ne’e la’o ba oin no Hahan.

Lider másimu iha Munisípiu Lautém akresenta liu tan, Selebrasaun tinan 50 Ezistensia FALINTIL, Autoridade Munisipál Lautém koopera ho Ministériu da Defesa liu husi Komandu F-FDTL, liuliu rejiaun Um Ponta-Leste bele hala’o atividade oioin hodi festeja tinan 50 ezisténsia FALINTIL nian.

Tanba ida ne’e Prezidente Autoridade Munisipál Lautém husu ba estudante sira ne’ebé partisipa kompetisaun ida ne’e le nafatin ba kualkér livru ne’ebé iha, atu nune’e bele aumenta koñesimentu liuliu ba jornada rezisténsia, oinsá prosesu atu harii RDTL iha mundu, tanba liu husi prosesu ne’ebé naruk Povu barak sofre mate no hasoru situasaun oioin mak foin harii nasaun naran RDTL, nune’e enkoraja ba parte Edukasaun nian tinan oin mai, atividade hanesan bele kontinua maibé tenke envolve mós matéria sira seluk.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢