𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏𝟕 𝐌𝐚𝐫𝐬𝐮 𝟐𝟎𝟐𝟓

Ministériu Petróleo Rekursus Minerais (MPRM) liu husi Autoridade Nasionál Petróleo (ANP), hala’o Dizeminasaun Enkuadramentu Legál kona-ba Setor Downstream ho objetivu hodi hasa’e no hakbiit koñesimentu husi lider komunitária sira hanesan Xefe Suku, Xefe Aldeia, Administrador Postu nune’e mós emprezáriu sira ne’ebé halo negósiu Mina, nune’e iha koñesimentu kona-ba atividade Downstream no Lei regulamentu sira ne’ebé maka estabelese atu bele jere ho responsabilidade ba atividade relevante, atividade ne’e hala’o iha Salaun Comferensia Colejio dos orfonato São Paulo Lospalos.

Iha intervensaun, reprezentante Prezidente Autoridade Munisipál Lautém, Sekretáriu Munisipál Administrasaun no Finansas 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, husu partisipante sira, dizeminasaun ida ne’e importante tebes, tanba sei hala’o aprezentasaun husi parte ekipa ANP nian, hodi bele intende didi’ak, atu nune’e bele transforma filafali ba komunidade sira ne’ebé iha area rurais.

Tanba ida ne’e husu ba partisipante sira, informasaun ne’ebé hato’o husi ANP, presiza hatutan fali parte relevante sira iha kada Postu no Suku, atu informa filafali ba komunidade sira, relasiona ho informasaun sira ne’ebé hato’o ona husi ekipa ANP.

Iha infatin ne’ebé hanesan, Jerente Projetu Downstream, 𝐒𝐫. 𝐒𝐞𝐳𝐚𝐥𝐭𝐢𝐧𝐨 𝐒𝐨𝐚𝐫𝐞𝐬 𝐌𝐚𝐫𝐭𝐢𝐧𝐬 𝐝𝐞 𝐉𝐞𝐬𝐮𝐬 𝐁𝐚𝐛𝐨, esplika objetivu prinsipal ba Deziminasaun ida ne’e maka atu enkuadramentu judisiáriu ba Setor Downstream nian iha Timor-Leste, tanba diresaun Downstream husi Autoridade Nasionál Petróleu ne’ebé iha papél atu regula no jere atividade Downstream sira ne’ebé maka kompostu husi atividade prosesamentu fornesimentu harii no instalasaun prosesamentu kombustivel armazenamentu no atividade relevante sira.

Nia salienta, dizeminasaun enkuadramentu legál ida ne’e, atu hasa’e no hakbiit koñesimentu husi lider komunitária sira Xefe Suku, Xefe Aldeia inklui Administrador Postu no lider Konsellu Munisípiu sira, nune’e iha koñesimentu kona-ba atividade Downstream nian no Lei regulamentu sira ne’ebé maka estabelese hodi jere responsabiliza ba atividade relevante.

Aleinde regulamentu ekipa tékniku sira mós aprezenta regulamentu tékniku nian balun, kona-ba oinsá operadór no proponente sira ba atividade Downstream nian bainhira atu submete aplikasaun ruma kona-ba planu negósiu atu harii atividade Downstream sira, primeiru tenke iha koñesimentu regulamentu tékniku sira no oinsá atu prienxe rekezitu ba parte administrasaun nian.

𝑹𝒆𝒎𝒂𝒕𝒂

𝑴é𝒅𝒊𝒂 𝑷𝑨𝑴-𝑳𝒂𝒖𝒕é𝒎