𝐋𝐨𝐫𝐞, 𝐊𝐢𝐧𝐭𝐚-𝐟𝐞𝐢𝐫𝐚, 𝟐𝟎 𝐌𝐚𝐫𝐬𝐮 𝟐𝟎𝟐𝟓

Autoridade Munispál Lautém, liu husi Diretor Servisu Munisipál Administrasaun Rekursus Umanu (SMARU), 𝐒𝐫. 𝐁𝐞𝐫𝐧𝐚𝐫𝐝𝐨 𝐀𝐦𝐚𝐫𝐚𝐥 𝐋𝐨𝐩𝐞𝐬, hamutuk ho Diretor Ajensia Munisipál Fiskalizasaun Munisípiu Lautém, 𝐒𝐫. 𝐀𝐠𝐨𝐬𝐭𝐢𝐧𝐡𝐨 𝐝𝐨𝐬 𝐒𝐚𝐧𝐭𝐨𝐬, partisipa eventu Festival Koilleta Meci iha Suku Lore I, Postu Administrativu Lore, Munisípiu Lautém.

Iha eventu Festival Koilleta Meci ne’e, Diretor Servisu Munisipál Administrasaun Rekursus Umanu (SMARU), 𝐒𝐫. 𝐁𝐞𝐫𝐧𝐚𝐫𝐝𝐨 𝐀𝐦𝐚𝐫𝐚𝐥 𝐋𝐨𝐩𝐞𝐬, ensera atividade desportiva, hanesan Volly Praia, Kalik, Kurida Kuda, Kompetisaun Teatru no Knanuk Meci ne’ebé durante hala’o hodi anima komunidade sira atu Komemora Festival Koilleta Meci, tanba Koilleta Meci sai ona identidade prinsipál Kultura ba Povu Munisípiu Lautém espesiál Povu Postu Administrativu Lore.

Iha intervensaun, reprezentante Autoridade Munisipál Lautém, Diretor Servisu Munisipál Administrasaun Rekursus Umanu (SMARU) 𝐒𝐫. 𝐁𝐞𝐫𝐧𝐚𝐫𝐝𝐨 𝐀𝐦𝐚𝐫𝐚𝐥 𝐋𝐨𝐩𝐞𝐬, hateten, Kultura mak sai ita-nia identidade ida ne’ebé importante tebes, hodi valoriza no promove, tanba Governu no Estadu ida ne’e iha responsabilidade boot atu promove ita-nia kultura, aleinde nu’udar sidadaun iha mós responsabilidade atu valoriza no promove ita-nia Kultura, tanba Koilleta Meci hanesan eransa Kultural ne’ebé bei’ala sira husik hela mai jerasaun foun sira, hodi hatutan jerasaun ba jerasaun.

Enkuantu observasaun iha terenu nota, komunidade hamutuk kuaze rihun rua resin preparadu atu partisipa atividade kolleita Meci ka ular tasi durante loron rua (2), tanba istorikamente atividade kolleita Meci sai hanesan kultura ba komunidade Loré dezde bei’ala sira nia tempu to’o ohin loron.

Nune’e mós tuir istória maun alin na’in rua husi uma lisan Chailor pertense ba Postu Lore mak deskobre Meci ka ular tasi bainhira sira ba tasi hodi buka ikan, maibe bazeia ba istória ne’ebé haktuir husi bei’ala sira katak, Meci sai hanesan hahán ba komunidade Lore.

Tanba tinan ne’e, Komunidade sira husi Postu Lore hamutuk ho Intelektuál no Universitáriu sira ne’ebé pertense iha Postu Lore nian, hodi determina loron 20 to’o 21 Marsu 2025 hodi kolleita Meci ka ular tasi, tanba festival atividade Kolleita Meci ne’ebé tuir istoriakamente ne’ebé bei’ala sira katak, Kolleita Meci tinan ida dala ida, ne’ebé monu iha fulan Marsu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢