𝐋𝐚𝐮𝐭é𝐦, 𝐓𝐞𝐫𝐬𝐚-𝐟𝐞𝐢𝐫𝐚, 𝟐𝟎 𝐝𝐞 𝐌𝐚𝐢𝐨 𝟐𝟎𝟐𝟓

Autoridade Munisipál Lautém, hamutuk ho Povu Munisípiu Lautém hala’o ona selebrasaun ba loron Aniveráriu 20 de Maio 2025 ba dala XXIII ne’ebé Nonu Governu Konstituisionál deside ba tema jerál “Hametin PAZ no Dezenvolvimentu” ne’ebé reflete ba nasaun Repúblika Demokrátika de Timor-Leste (RDTL) nia komprimisiu hodi kontinua ba unidade, progresu no estabilidade, serimónia Munisipál selebrasaun loron 20 de Maio hala’o iha Postu Administrativu Lautém, Munisípiu Lautém.

Aleinde ne’e, Serimónia Selenbrasaun Restaurasaun Independénsia loron 20 de Maio 2025, ne’ebé Autoridade Munisipál Lautém deside hala’o iha Postu Administrativu Lautém, ne’ebé inspetór husi Sua. Exelénsia, Prezidente Autoridade Munisipál Lautém, Sr. Mélio de Jesus, SH.

Durante iha ámbitu selebrasaun loron Restasaun Indepedénsia 20 de Maio, Sua. Eselénsia, Prezidente Autoridade Munisipál Lautém le sai diskuru husi Sua, Eselénsia Prezidente Repúblika Demokrátika de Timor-Leste, Dtr. Jose Ramos Horta, iha ambitu selebrasaun Restaurasaun Indepedénsia, ba dala XXIII.

Hafoin remata Serimónia Içar Bandeira Nasionál Repúblika Demokrátika de Timor-Leste, iha intervista, Sua. Eselénsia Prezidente Autoridade Munisipál Lautém Sr. Mélio de Jesus, SH, hateten, lori Povu Munisípiu Lautém nia naran hato’o parabens ba nasaun Repúblika Demokrátika de Timor-Leste (RDTL) no Povu Timor-Leste, parabens mos ba Povu Munisípiu Lautém tomak, ne’ebé selebra loron Restaurasaun Independénsia ba dala 23 iha teritoriu Munisípiu Lautém tomák, husi Postu Administrativu 6, ne’ebé hala’o serimónia Içar Bandeira Nasionál hodi komemora loron Restaurasaun Independénia.

Postu Adiminitrativu Lautém atu selebra loron Restaurasaun Independensia ba dala 23, ne’ebe iha tinan kotuk Nune’e mós Prezidente Autoridade Munisipál Lautém, apela ba Povu iha Munisípiu Lautém ita hotu hamutuk hodi bele bala’o selebrasaun ba loron importante ida ne’e, tanba tinan ida ne’e Nonu Governu Konstituisionál fó sai nia tema “Hametin PAZ no Dezenvolvimentu” tanba tempu ona Munisípiu Lautém atu dezenvolve ninia Munisípiu, nune’e husu atu apoiu ba dezenvolvimentu ne’ebé sei mai 28 Novembru loron proklamasaun Independénsia ne’ebé hala’o iha Postu Administrativu Tutuala, ohin loron Proklamasaun Independensia 20 de Maio 2025 Autoridade Munisipal Lautem deside hala’o iha Postu Adminsitrativu Lautém, loron Konsulta Popular 30 de Agosto sei hala’o iha Postu Administrativu Luro no loron Proklamasaun Independensia 20 Novembru sei hala’o iha Postu Administrativu Lore.

Nia esplika, ohin bainhira ita selebra tinan ida tan ba ita nia Restaurasaun Indepedénsia nian, ita hetan inspirasaun husi legadu espirituál no moral ida ne’e, ne’ebé husik hela husi Sua Santidade. Ami reafirma ita nia komprimisiu atu halo ita nia fiar la’os de’it refujiu ida, maibe sai forsa moris no transformadora ba konstrusan sosiedade ida ne’ebé umanu liu, justu no soliedáriu liu.

Remata

Média PAM-Lautém